Dreamer, dream on dream on...: HMANGAIHNA KUT! Chu zan chu an ina ka len tawpn...

Dreamer, dream on dream on...: HMANGAIHNA KUT! Chu zan chu an ina ka len tawpn...: HMANGAIHNA KUT! Chu zan chu an ina ka len tawpna ber leh hnunhnung ber a ni dawn tih rinlawk ngaihna reng ka hre lo, ka beisei loh b...

Dreamer, dream on dream on...: KHA SAI TAK KHA AW... Vawikhat chu ka khualzinn...

Dreamer, dream on dream on...: KHA SAI TAK KHA AW... Vawikhat chu ka khualzinn...: KHA SAI TAK KHA AW... Vawikhat chu ka khualzinna lamah sai lian zet mai hrui tak tea a kehnung lama inthlung hi ka hmu a. Sai hi ka ...

Dreamer, dream on dream on...: NGAIDAMTU HMANGAIHNA! "Khawngaih takin min pui ...

Dreamer, dream on dream on...: NGAIDAMTU HMANGAIHNA! "Khawngaih takin min pui ...: NGAIDAMTU HMANGAIHNA! "Khawngaih takin min pui rawh.. aw.. khawngaih takin.." a rawn ti lawm lawm a, Kei chuan "Engtin nge ka no. te i...

Dreamer, dream on dream on...: TUKIN ZET CHU !! "Tho rawh..tho rawh.." ka nu c...

Dreamer, dream on dream on...: TUKIN ZET CHU !! "Tho rawh..tho rawh.." ka nu c...: TUKIN ZET CHU !! "Tho rawh..tho rawh.." ka nu chuan min rawn sawi nawk nawk a, "In hnuaite pawhin an dah tawh a nia..tho rawh" a ti ...

TUKIN ZET CHU !!

"Tho rawh..tho rawh.." ka nu chuan min rawn sawi nawk nawk a, "In hnuaite pawhin an dah tawh a nia..tho rawh" a ti a. Peih lo zeta thawh chhuah pah chuan, "A lo thleng leh awm tawp si lova, ninawm eee" tiin gas bur chu ka pu a, hmai pawh phih lovin phak zetin kawngpui lam chu ka pan a. A la hma hle emaw ka tia, an lo intlar teuh tawh a.

Midang an lo intlar hi chuan a lo thleng dawn tih pawh awm si lo hian a lo thlen tak thutin tih thil thuah in put chhuah v

e ziah a ngai a. Nithum zet chu kan chang thlawn tawh leh nghal a, gas bur kan hman lai lah chu a zo tep tawh ang tih mai tur hian a zang dur tawh a, tunah tak chuan khawvela car nalh leh changkang ber aiin pick up tawng deuh tawh gas phur ka hmu chak fe zawk!

Dar 7.30 am velah chuan E-Mail a thil thawn tur thu pawimawh hmanhmawh thlak deuh ka neih ka hrechhuak a, ka tlan hawng a. Computer kan on dawn a, current a lo awm hauh lo mai a. "Nizanah lah current kan nei ngun si, dar 11 hmain vawi ruk kan nei hman, internet te pawh hi hman tangkai chu sawi loh hman sualna hman pawh a awm lo a nih hi" tiin ka phun nuah nuah a. Ka rilruah chuan vur leh ice cream zuar an lo lang a, an eizawnna tichhe vek thei ang a ka ti rilru a, bank a lo lang leh a, computerised vek tawh a ni sia, bank te hi dawr mumal theih loh te hian an awm palh mai ang a, workshop nei tute hlei hlei an va buai dawn em! "Aaaa.. ngaihtuah dawn chuan ngaihtuah tur a tam em mai..Inbual ila, inbual zawhah te chuan a lo awm ve hman mahna' ti rilru chungin bathroom lam ka pan a.

Inbual hma chuan inthiar tumin ka thu tung ut a, Vanglaini ka chhiar pah a, Tuikuk leh Hmar hel ho tih velin a lo intial nuaih mai avang chuan ka chhiar leh peih lova. A hnuai lamah lah chuan 'Mizo nula chhanchhuak' tih bawk, "Hei pawh" ka ti rilru a. Ka inthiar zo, tui ka'n herh haw tur chu tui chu a haw thei ta hlek lo mai a. Ka herh tawn chhen a, a haw thei si lo, ka la thu laklawh bawk si! "Tui kan nghei leh ta. hmanni lawkah tui bill thar avangin pawisa kan chawi teuh sia" tiin ka thin a rim ta em em a.

NGAIDAMTU HMANGAIHNA!

"Khawngaih takin min pui rawh.. aw.. khawngaih takin.." a rawn ti lawm lawm a, Kei chuan "Engtin nge ka no. te i neih reng reng a..?" ka lo ti hlur a.

Kum 4 liam ta a kan awmdan zawng zawng kha tun lawka thil thleng ang maiin a rawn thar leh a. Ka hlimna leh ka lawmna ber ni thin kha ka tahna leh min veltu a nih tak dan te, ka lungkham ber kha ka lungngaihna ber a lo nih tak dan te, damchhan hlimawm tak leh hmabak eng tak nei nia ka inhriat thin ka hma

lam rawn thim ta thut te, damchhan nei lo nia ka inhriat tak avanga Pathian min pek nunna hlutak lak mai ka nap dan te chu ka hmaah fiah takin a rawn lang zut zut a. Amah vanga 'Chatuan' a lo rei loh zia ka hriatchhuah tak dante, hmeichhia leh hmangaihna ka huat tak hle dante, mi hausa leh neinungte chu ka hmuh ringawt pawha ka huatthu an sawi ziate a rawn lang thar uarh uarh a.

Ama duhthlanna liau liauin he khawvel ram zau mipui tam tak awmnaah hian mal em em turin min hnutchhiah kha a ni lawm ni ? Hausakna leh ropuina chu hlimna a nih beiseiin kei hmangaihna chauh chhuan tur nei kha min kal san kha a ni lawm ni ? Nitin zantin mittui nena ka hun ka chhiar lai khan a thinlungah khawngaihna chuan hmun a chang eih lo a ni lawm ni ? Tunah tlawm leh zah pawh dawn lovin duh lova a paih hnu hnenah khawngaihna dilin a rawn bawkkhup leh si a maw ? YOU NEVER MISS THE WATER UNTIL IT'S GONE tia au khum nghek ka duh a, se ka hrawk atang chuan a chhuak thei hauh lova!

"I va chawh tak ve.." tia tawngkam chhe tinrenga lo diriam ka tum a, mahse, ka thei ta hauh lo mai! Hmusit taka min lo chungtlak tawhna te chu a let zaa rulh ka duh, mahse, ka thinlunga hmangaihna chuan min la kiansan reng reng lo chu niin! Huat ka duh a, ka haw thei miah lo! "I duh i thlang fel tawh a, i pasal zu heh, inti officer dulkiar ve satliah, nula hrang hrang kawp kual chuan a vaw zantin che a maw..." tih paha za lo deuh pawh nise za awm fahrana nuihsawh duarh duarh ka duh a, se mak tak maiin ka ka a chih tlat! Chutiang lam reng reng ka sawi thei lo!

Ka ngaituah chiang a, kei kohhran rawngbawltu inti ve, nitina a thara ngaihdam ngai, Pathian hnena ngaihdam dila tawngtai zing dup hian ka hmaah ngaidam dila rawn kal chu ka ngaidam thei lo ang maw ? Pathian hian ka sualte hi ngaidam duh ve ta hauh lo se, engtin nge ka awm tak ang ? A hmangaihna chu hmusit taka 'hmangaihna der' tia ka lo koh sak tawh chu tuna ka ngaidam thei lo a nih chuan ka hmangaihna pawh hi eng nge maw a lo nih bik le ? A fel lai leh a that lai chauh khan ka lo hmangaihin ka lo ngaidam thei em ni le ? A chhiat lai ber leh a sual lai ber pawha ngaidam theitu chu hmangaihna dik tak a ni zawk dawn lawm ni?

"Mapui, tap tawh suh, i awmdan chu ka theihnghilh vek ang tih ka tiam thei lo che, mahse, ka ngaidam che,ka la hmangaih reng bawk che" ka'n ti chu engtin nge chutiangte ka sawi theih pawh ka hre lo,mahse, ka inchhir miah lo nia. Keima mihring chuan a chhe thei ang bera tih let ve a duh, mahse, ka thinlunga hmangaihna chuan a lo khap dai zel si a. Inlakna leh chapo duhna te chuan ka hmangaihna chu an hneh ngang si lova.

Engtin nge kan awm dun zel dawn a, engtin nge mita ni tawh chu ka va chhuhsak dawn, eng ang taka mualphona nge khawtlangah kan hmachhawn dawn tih pawh ngaituah ngam si lo chungin hlim si lungchhe bawk si a cellphone sa vut khawpa kan inbiak hnu chuan khua a var ta hial a.

(Ka thianpa thuruk kal mek a rukin ka rawn puang!lolzzz..)

KHA SAI TAK KHA AW...

Vawikhat chu ka khualzinna lamah sai lian zet mai hrui tak tea a kehnung lama inthlung hi ka hmu a. Sai hi ka lo hmu ve fo tawh nangin chu sai chuan ka mit a la ta tlat mai a, ka kal pel mai thei lova. Ka rilruah zawhna tam tak a lo piang a, saw sai sawn a thlunna hrui te reuh te saw a duh hun hunah a tal chat thei awm sia,engati nge a tal miah loh le ? A duh phawt chuan a tlanbo daih thei si a, engati nge chutiang lam reng reng a ngaihtuah loh le ? Duh duha ti kawi veltu vai pate reuhte saw a duh phawt chuan mitkhap kar lekin a chil sawm vek thei si a, engati nge chutiang ang chuan a tih miah loh le?

Chhan tha tak a awm ngei ang ka ti rilru a. Tichuan, ka va pan hnaia, sai enkawltu vai pate reuhte hnenah chuan, "I thlunna hrui hi a te hle si a, amah a len teh lul nen! Tal chaha tlan bo a tum miah nange" tiin mak ti fe hian ka va zawt a. Ani chuan, "A tet laiin amah thlun nan hetiang tiat tho hrui hi kan hmang thin a, tal chah tumin nasa takin an bei ve thin a, mahse, an tal chat zo lova. Ngaiah a nei chhova, a tet laia a tal chah theih loh avang khan a len hnuah pawh tal chah theih lohah an ngai nghet tlat tawh a. Chuvangin, hrui hi te tak te nimahsela, tal chah theih rual loh nia an hriat tlat tawh avangin tal chhin pawh an tum tawh lo hrim hrim a ni" tiin min chhang a.

Chu sai chu ka'n en thin, a ke pakhat ringawt pawh hmuhnawm tham khawpa lian a ni a, a nawn te lah chuan hmeithai pitarte in te chu kar lovah a hnuk tlu der thei awm si a. A ke hnunga hrui te tak te inthlung ve der der chu ka zuk en leh a, chu sai lian pui mai leh chak bawk si thlun beh nan chuan a tawk em em tlat si! Tum se chuan kawthalo chung pawhin a duh hun hunah a tal chat thei tih ka chiang si a, mahse, a thei tlat si lo!A rilruin thei lo nia a inngaih tlat avang chauhva tal chat lo mai mai a nih zia te ka zuk hmuthiam mai a. Nimahsela, Chu sai chu mawl ka tih em em rualin amaha hringnun hlimthla chiang taka lo lang avang chuan dem thei ka nih loh zia ka rilruah a lo lang nghal bawk a.

Keini mihringte zingah pawh a hmaa kan lo hlawhchham tawh avanga tun thlenga ti thei lo nia inngai tlat te, "Hmanah pawh ka bei nasa tawh lutuk, tunah pawh engmah ka ni chuang lo vang" tia a hmaa hlawhchhamna chu hrui chu tunah pawh la tal chat thei lova inngai tlat te, hlawhchham leh hlauhnain a phuar te, a lo hlawhchham tawhna kha a damchhung hun hman dan tura Khuannu rel sak emaw tia thinlung taka pawm bur ta mai te kan tam awm mang e aw tiin ka ngaituah zui zel a.

Chu sai chu kalsan pahin keima hriat tawk lekin, "I theih loh kha tunah chuan i thei tawh asin, Siamtu hian phal sela chu minute khat lek kan rilru inthlak thleng thei i la aw.." ka ti vawng vawng a.

HMANGAIHNA KUT!

Chu zan chu an ina ka len tawpna ber leh hnunhnung ber a ni dawn tih rinlawk ngaihna reng ka hre lo, ka beisei loh berte zingah pawh beisei loh ngaihna pawh ka hriat loh chuan min lo hmuak mek tih reng ka hre der si lo. Mahse, zan dang ai chuan a tawng tam lova, ka bul hnaiah pawh thu duh lovin hmelhriat tha satliah kawmin min kawm a. Val lungmawla chuan chung zawng zawngte chu ka hmalawka ka thinlung tikehtu tur hmahruai a ni tih reng ka ngaihtuah pha lo. Za

n dang aiin ka haw hma a, ka tlan liam thlenga min thlir zui thin kha kawngka pawh rawn chhuak lovin min mangtha a. Mak ka tih deuh avangin kal mai lo chuan an kawngkhar bulah chuan ka'n ding deuh hrih a. Mahse, ka tlawmngai ve deuh avangin "Hmmmm... ho lutuk, hmeichhe mizia tak hi chu aw.." tih pahin ka inher a, ka bike dahna lam chu ka pan a. Ngaihthat lohna chang hre miah lovin khawhar ru tak siin ka bike ka ti nung a, ka tlan chhuak ta a.

Ka tlan lai chuan ka kekawr iptea ka cellphone a rawn phu der der a, a message a nih ngei ringin 'Nuam lo a ti ve deuh ang a, ngaihdam min rawn dil a ni ngei ang' ka ti rilru a. 'In ka thlen hunah ka en ang' ti rilru chungin ka tlan zel a. Ka mitthla chuan a nui hmel mawi em em mai leh thlamuang hmel zetah ka awma a beihnap lai te chu a lo lang a. 'Ka damchhungin ka hmangaih reng ang che' tia min hrilh laite chu ka mitthlaah chuan chiang em em hian a rawn inher chhuak a. Suangtuahna rama hlim taka ka thlawh delh delh lai chuan ka thlawhna khalh lai chu a ri bur mai a, a thim hmuk hian ka hria. Hmeichhe te thawm leh tap ri ang deuhte chu ka hre ruai ruai a.

Ka harhchhuah meuh chuan Casualty-ah ka lo mu kawm reng tawh a, ka ke dinglam hi a na em em mai a, verh ngut ngut ang hian a awmin ka hria. Ka chhung leh thiante chuan min lo hual thup a. Thawh tumin ka'n che dawn a, "E...e...e, che suh, che suh.." tih pahin min dawm bet laih laih a. Nurse senior hmel tawh tak hian syringe lian pui hian min chiu a, engmah ka hre zui leh ta lova.

Kar hnih chuang lai damdawiinah chuan ka awm ta. Min hrilh leh danin truck ding lai ka lo su a, ka bike phei chu a chhe hneh khawp mai a ni awm a. A tira min hmutute chuan ka thi emaw an ti zawk hial a, casualty lamah min hruai phei hnuin ka chhungte leh ka thiante ho an lo thleng khawm ve ta a ni. Ka hmai chu thui zet hian a thler a, hmun sawmpahnih laiah an thui a. Ka ngalruh ding lam a tliak bawk a, an cher khawng bur mai bawk a. Min 'jection' loh lai phei chuan a na lutuk hi thlan a tla zawih zawih mai a, val hi kan rum kawk kawk mai a ni.

Ka hmai awmdan turte chu ka suangtuah ngam loh avangin darthlalang reng reng ka hnaia awm lo turin ka duh a, ke bai piangsual ka ni mai turte chu hriatthiam har ka tih em avangin ka suangtuah zui ngam lova. Engmah ngaituah loh ka tum pawhin engkim ka ngaihtuah bawk si te chu a hrehawm duh khawp mai.

Mahse, heng zawng zawng aia hrehawm ka tih chu ka hmangaih leh duh ber, engkima ka engkim ni thin, ka harsatna leh buaina hre hmasa bertu leh min hnem thintu chu vawi khat mah a lo la lang lova. A hre lo aniang ti dawn ila, hriat loh tur thu a awm si lo. Kar hnih chuang natna khumah che thei lovin ka mu khawng reng tawh a, a hmel hmuh tik ni reng a la awm thei lo.

Ka harhchhuak thut a, ka len tawp zan bera a awmdan ka ngaihtuah chhuak a. Thil dik lo a lo awm reng tawh zawk a niang a, "E heu! Khawnge ka phone kha..?" tih pahin ka nu chhun zan zawma min awmpui tlattu chu ka'n en vak a. A bagah chuan a lo ak reng a, "Khaw maw" tih pahin dawhthei lo hmel zet hian a bag chu ka hai sak rawk rawk a. Ka phone chu lakchhuah pahin ka switch on nghal a. Ka bike khalh laia message lo thleng kha eng nge tih chu ka hriat chak em avangin a in hawng har ka ti lutuk chu ka thing nawr nawr a.

Ka inbox a lo lang hmasa ber ka hmuh chuan ka phu chiang kher mai, engtin maw hian ka awm, ka na nghal ngawih ngawih hian ka inhria a. Mi tana tawi tak, kei ka tan chuan kawlkil vet chhuak vek khawpa thui leh hrilhhaithlak, 'IT'S OVER' tih hi hawrawppui ngei mai hian a lo inchhu kalh mai a. He message thu tawi te chu, a lo dawngsawngtu tan lah buhfai tukhum tawng phur chung pawha tamchhawl hlauhawm khawpa mawi, “Bei nge sei Run dung” an tihte paw’n a ne pawh an ek phak loh khawpa beiseina zung zam eng de re re a la awm dah lawm maw, ti chung pawhin han chhiar nawn fo thin mah ila, beiseina leh rinna a tihbeidawn dan chu sawifiah thiam rual a ni si lo va.

Kumtluangpar ka hlan kha - Hawiloparin a lo thlak a, 'Ka damchung'a tih kha a va lo rei lo em! Nge a thi ta zawk tawh em ni ? Kha ka accident-na hmunah khan tinge ka lo thih nghal law law loh aw! He message nunrawng tak chhiar leh tur hian tinge ka lo damchhuah reng reng le! Kha zan lungngaih thlak tak kha lo her chhuak lo law law sela a tha zawk tur! Ke bai piangsual ka ni mai tur leh ka sakhmel zawng zawng ramhuai sual hmelpu tawh mai turte hi ka na tawrh atan chuan a tawk em em lo em ni le! Heng
zawng zawng aia na tura ka hmangaih ber chuan ka thinlung kehsawm vek khawpin min deng duh si amaw! Lalpa lehhh...Eng thil sual em em nge ka tih bik le! Vanduai tih tawngkam hian tang nasa hle mahsela ka chan hi a hrilhfiah zo si lo!

Kha hun atang khan kum 12 zet a liam ta. Min hmangaihtu dik tak, ka tana rinawm leh min phatsan ve ngai lotu, ka chhiat ber lai pawha min ka tana dingnghet tlat, ka piansualna hmuh khuma,ka hmel rapthlak tak hmu mawitu, lainatna leh khawngaihna min zirtirtu nupui fel tak Pathianin min pe ta. Ka thil tawnah khan ka vui leh ta ngai lo, tawng lo ila kha nu nen khan Kristian chhungkua kan din ang em tih leh he nu hi ka tawng ang em tih chu chhan harsa tak a ni!

"Lalpa ka chunga thil tha lo leh thil tha zawng zawng lo thlengah khan i HMANGAIHNA KUT min hmuh tir avangin ka lawm e" tiin ka tawngtai thei ta si a.

A SAKHMING KA SA E...LOL

"Khaw'nge a lum em mai" tih pahin tukverh ka hawng a, ka'n dakchhuak chu kawngpui sirah hian zu rui pakhat hi a kal pai tuang tuang a, a tlua, a thoa, a kal dawn chauha a tlu leh thin. Ka zuk enchian chuan LALDINGN

GHETA a lo ni reng mai a. 'Nimin tlaiah YMA duty ho khan LALTHIANGHLIMA nen an man dunin ka hre sia..' ka ti rilru a. "Khu pa khu St. pauls-ah kan kal ho thin, tunge a hming kha aw..?" tih pahin tlangval polythene khai bawr teuh chu ka thlir reng a. A hming ka hre chhuak zo ta hauh lova. Pu LALRINAWMA, eiruk avanga hmanni lawka an suspend tak fapa a ni tih erawh ka chiang si! 'E.. tak a, ka hre leh si, LALHRIATRENGA maw le..!' tih pahin ka chal kan dawm vang vang a.

Tuemaw hian kawngkhar an rawn kik ri dat dat a, ka va hawn chuan tleirawl pakhat hian inneih sawmna card nen a lo ding ran a. 'Kan fapa LALHMINGTHANGA leh..' tih thleng ka zuk chhiar hman a, kan veng mi chu a ni ve sia, ka va'n hre ngai lo em em! 'LALHMINGTHANGA..LALHMINGTHANGA..' ti nuah nuah chungin dawhkanah chuan ka dah mai a.

"Mama, nizana VANLALFELI kohhranin an phuar kha i hria em ?" tiin ka u chuan min rawn zawt a."Hre miah nang, ka thianpate taxi LALNUNMAWIA'n a lo tlan bo pui a, kan zawnpui avangin ka inkhawm hman ta lo a, tu fa nge a pai reng reng a? tia ka zawh chuan, ani chuan, "Aw, Vengthlanga a bialpa LALTHAFAMKIMA, pu ZIRTIRA fapa kha.." a ti a. "Ka hre leh si, hmanniah LALNUNNGILA'n an ar a ruksak kha, ka hria lawm" ka ti a.

Ka ril a tam deuh avangin vai thingpui dawr lamah inhnawh puar tumin ka chhuahsan ta a. He vai dawr neitu tak hi pu RAMHMANGAIHA a ni a, mahse, amah erawh chu dawrah hian a thu ngai lem lova. Thingpui nghah pah chuan chanchinbu ka han bih a, 'kum tling lo pawngsualtu man' tih chuan ka mit a la deuh a. 'Pu LALHMANGAIHA, kum 52 mi chu man a ni tawh e' tih ka chhiar thlen lai chuan thingpui a rawn thleng a, ka ril a tam tawh bawk a, chhang nen tui ti takin ka ei chhunzawm ta a.

A LO THA VEK E!

Thlipuiin a nuai hrep avangin a lawngte chu a sawp chhe vek a, thi lo ruangin thliarkar pakhatah hian engtin tin emaw a in ham tang hram a. Chau em emin chu thliar kar tui chim phak loh

chinah chuan a bawk thlawp a, tui a hak nasat em avangin a pumte chu puar ul hian a hria a. A mitte chu tuipui al chiahna avang chuan a sen rum a, a thip em avangin men pawh a meng tha peih lova. A benga tui lut nasa lutuk avangte chuan a lu a thin zawngte chuan a ri ruk ruk thei hial a, a ngawng muah muah mai hian a hre hial a ni.

Ni thum zet tluang taka a zin hnuin a nilina zing atangin tuipui thlipuiin a nuai ta kha a ni a. A chhuah dawn khan Pathian hnenah uluk takin a tawngtai a, venghim tlat tur khan nasa tak khan a tawngtai ve a ni a. Tluang taka ni thum a zin lai kha chuan a tawngtai chhanna a nih ring khan a hlim hle a. Tunah erawh chuan a thinrim tak zet a ni. Thlipuiin nasa takin a nuai a, a lawng a chhe vek a, a ni pawh thihna kotlangah a din tir a, harsa tak leh hrehawm takin thliarkar pakhatah a pakai thei hram chauh a ni si a. 'Pathian hi a awm tak tak lo a nih hi! A awm a nih pawhin hmangaihna Pathian pawh a nih hrep loh hi' tiin a rilru chuan Pathian a chhuahchhal mawlh mawlh a.

A riltam em avang chuan 'theirah ei tur a awm ang a' tiin a vak kual vel a, vanneithlak takin chu thliarkarah chuan theirah a lo tam em em mai a. A lawm lutuk chuan Pathian hnenah lawmthute sawiin a tawngtai a. Chutiang ang chuan ni eng emaw zat a awm hnu chuan tuipui kamah chuan bukte te a sa a, harsatna nei em em lovin a cheng ve ta rih a. Tih theih dang nei vak hek lo, ring si ring vak si lo hian zantin Pathian hnenah chhanchhuaktu dilin a tawngtai ve thin a.

Tum khat chu eitur zawnga a ramchhuahnaah chuan rannung pakhat sehna zet mai hian a kut dinglam hnungah hian a lo seh hlauh mai a. Na a ti em em mai a, a vung nghal luk a. A la pun zui bawk a, a kut dinglam chu a pan so luk mai a. A thinrim kher mai, "Aw Pathian, thlipui min nuai tir hrep a, he thliarkar hrehawm takah hian ka vak kai hram hram a. Eitur pawh nei lovin thei rah ka ring a. Tunah ka eitur hmuh vena ka kut dinglam chu rannung i seh tir a, hei han en teh" tih pah a kutna lam chu Pathian hmuh tir tum niawm takin chunglamah chuan a han lek kang chhova, "A pan chhe vek tawh, he thliarkarah hian hrehawm taka thi turin min hruai em ni ? Min hmangaih tak tak love, hmangaihna Pathian pawh i ni nek lovang" a ti ta zek mai a. A thinrim chu awmhmunah a insawh a insawh a, a kut na lo lam chuan buk chhuat chu a chum dat dat a.

Chutih lai tak chuan pawn lamah chuan thawm ri mak tak tak mai hi a ri nuaih nuaih a. A va dak chu le, a thil hmuh avang chuan a hlau lutuk chu chet ngaihna reng reng a hre lo! Chu thliarkara cheng hnam mawl kawlhsen hmel tak sam sei hneng hnuang ho hian a buk chu an lo hual thup chu niin! Fei zum pui pui an keng fur a, thal an ak theuh bawk a. Tlanchhiatna ngaihna reng reng a awm si lova, chung hnam mawl hring ei ho chuan an man ta a.

Pathian bawk a mawh chhiat leh ta, a hlau bawk si, a thinrim bawk si! 'Engtin nge heng ho hian min tih tak ang ? An chemte zum tak tak te chuan ka dul vun pir thlerin ka lung an pir chhuak dawn nge bel lianpuiah a nungchungin tuisoah min chhum hlum zawk dawn ? An pathian hnenah inthawi nan min hmang dawn a ni ngei ang, chu mi hnuah min pawtsawm vek a, min ei dawn a niang a?' tiin a inngaituah nasa kher mai. A tisa chung hring ei hovin an han pawt sawm tur vel leh an han inchuh zo tur vel chu a ngaituah zawng ringawt pawhin a tim uaih uaih a, a khur der der reng a. Tih theih dang a nei lo, Pathian hnena tawngtai a ni mai. Tichuan thahnem ngai em emin a rilru leh tih tak zetin Pathian hnenah chhanchhuahna dilin a tawngtai mawlh mawlh a.

Midang pawh hi an lo man ve chu niin, puk zimte rimchhe zet maiah hian an khungkhawm a. Karei le, a hlauh ang ngeiin an vai chuan an pathian hnena inthawi nan chung hring ei hi chuan an talh dawn ta ngei e! Dimna tel miah lovin a bula mi chu an rawn hnuk chhuak lawp a, eng ang pawhin rak ring mahsela chhanchhuaktu tur an awm der si lova. Hring ei ho lah chu phur hmel em em mai hian ramsa hlauhawm tak hram ri ang mai hian an huk tuarh tuarh a. An puithiam chuan a endik hnu chuan chu pa chu dimna tel hauh lovin chemte sei set hian a dul an pir thler a, a lung chu an pir chhuak a. Chu pawh chu duhtawk ta mai lo chuan a nghawng an la chhawk zui! Hring ei ho chuan a aia ring leh zual hian rapthlak tham zet hian an ralthuamte chu boraukah lek kangin an au dur dur a.

A hun a thleng ve dawn ta. A thi dawn ngei e. "Pathian, khawnge i awm ? Min chhanchhuak turin ka dil lo che em ni?" tiin Pathian chu a hau mawlh mawlh a. A hma kha chuan a dil khan a dil a, tunah chuan thupe ti tihin Pathian chu a hau tawn tawn tawh. Hneh zet hian palian pui mai hmul chhur hian a rawn khai chhuak ta lawp a. Puithiamin a en dik laite chuan a hlau lutuk chu zun a cheh lo chauh mai a. Men pawh a meng ngam tawh lo. Thawkleh khatah puithiam chu a rawn te chhuak vat a, a kut dinglamna chu a kawk a, ten hmel em em hian chil a chhak ta thawt thawt mai a. Chu veleh amah pawtchhuaktu khan a rawn hnuk leng lawp a. 'Kal bo nghal rawh' ti niawm tak hian ramhnuai lamah chuan a nam kat ta dawr dawr mai a. A ngaihna a hre lo kher mai, mahse, an chhuah tlat si! A harhchhuak thut, a kut dinglam pan avang chuan an pathian hnena inthawi nan an duh lo a nih chu! 'An pathianin a lo pawm loh an hlau ani ngei mai' tiin hlim em em hian a buk awmna lam chu panin a tlan hlawk hlawk a. Tlan pah chuan Pathian hnenah lawmthu sawiin a tawngtai phei mawlh mawlh bawk a.

Mahse, ka rei leh! Khawnge a bukte kha ? A awm tawh lo. Tinge ? A lo kang hluah hluah mai. He kawvela 'ka in' a tih ve theih awm chhun, nisa leh ruahsur kara a lo belh ve thin, a thian awmchhun chu boruakah a tham ral mek si! Leiah chuan a bawk thlawp a, Pathian bawk chu a bei leh ta, "Aw Lalpa,a ni em em tawh lo, i lo awm tak tak lo a nih ngei hi" tiin lungchhe em emin a tap a. 'Hei aia manganna tawp hi a awm thei tawh dawn em ni' tiin beidawng em emin a bawhna hmun ngaiah chuan a let reng a.

Rei vak lo hnuah chuan a thawm hriat than em em mai hi a beng chuan a hre tlat! A beng chhe ri em ni tiin a beng chu a han kawm vak vak a. Mahse, chu thawm chu a lo hnai zel a, a bul lawk a rawn thleng dawn ta mai. A'n hawi chhuak a, lawng lian zet mai hian a awmna thliarkar chu a rawn pan ruak ruak chu a hmu ta aleh! A lawm lutuk chu a zuang tawr tawr a, mak a ti bawk si, a tak a ni ngei em ? A mumang a ni zawk lo maw tiin a mit te an nuai thin! Chutih lai chuan chu lawng captain ni awm tak leh a thuihruaite chu rawn chhukin an rawn pan hnai a.

A lawm lutuk chu an rawn thlen hma hma chuan a va tlan hnai a, bah nuaih hian, "Engtin nge ? Engtin nge..? Engtin nge he lai hi in rawn thlen theih a ? Engtin nge hetah ka awm tih in rawn hriat theih a ?" a lo ti chung chunga. Captain chuan nui sak pah chuan bukte kang ral tep tawh la khu nguai nguai chu a kawk a, "I signal kan rawn hmu a, kan rawn pan che a ni" a ti a.

(God knows the BEST for you!)

 

Kha mi ni kha ka kum nga lai liam tawh mahse ka thinlungah chuan nimin lawk ang maiin a la thar a, ka mitthlaah lah tuna ka hmazawna ka mithmuha ngeia thil thleng mek ang mai hian a la lang fiah bawk a.Kan \hianzaho hian ralkhat ‘star’ em em mai kan nei a, an veng chauh kan hriatavangin a \hatzia thu chu kan sep liam vel mai mai \hin a. Mahse, vanneihthlak takin kanzinga pakhat chuan an in awmna a lo hre hlauh mai a. Sunday tlai ani a, chawhnu inkhawm banah Biak In kawtah kan ding khawm laih a, kan inrawt phur chawpa, tichuan, leng turin kan inbuatsaih ta a.Kan kal lam car-a kan chuan lai chuan Lal\anpuia hla,

‘Hmangaihna Ka Ngen a Ni’ 

tihkha ring zet hian kan play a. Uangthuang taka classic hla ring deuhva play a, zawm dualdual hi chu kan chin \han ve a ni a. Sunday a ni bawk si a, kan hla play ber kher avang lehring taka kan zawm dual dual avang chu a ni ngei ang kan tlan pelh hote chuan mak mintih hmel tak hian min en zui deuh zel nghe nghe a.An veng kan thleng a, an in kan hnaih \an ta tihah chuan kan buai ta tlat mai a. Kan buaina chu, tunge lut hmasa ber ang? tih ah a ni a. Tlangval rual awmkhawm nisi chunaupang chhe awmkhawm ang maiin lut hmasa ber nih kan zak vek a nih chu! Lut hmasatur chuan kan inkawk kual a, tumahin kan duh bik si lova, len ngei kan duh bawk si, kan buai tlang khawp mai a. Kan zingah chuan a zakzuk ber niah ka inngai a, kei chu a hnung  berah inthlahrung takin ka lut ang ti rilru ka ni a.Chutianga kan rik laih laih lai chuan an kawt kan thleng ta der mai a. Car kantidinga, tumah chhuah kan tum lo, a chhuak hmasa ber chu lut hmasa ber tur a nih tih kanhre kar hlawm a. A tawpah chuan kan zinga intifing ber mai, Mawia chuan rawtna a rawnsiam chhuak ta. Lehkha them kan vaia indaih kan siam ang a, lehkha themah chuan first,second, third, fourth leh last tih kan ziak anga, kan pawh fuh ang zelin kan inzui lut dawnnia tiin rawtna a siam a. |ha kan ti tlang khawp mai a, chutih rual erawh chuan first pawhfuh palh kan hlau em em \heuh bawk a. Tichuan, lehkha them pangaah chuan a ziak a, ahmet hlawm nghal zel bawk a. Amah vek chuan a kut lianpui pahnih chu a hum kum a, alehkha hlawm ho chu a thing nawk nawk a. A thin lai chuan tumah kan nui lo, a za hrih lo,first pawt fuh thei vek kan nih avangin kan la nervous vek vang pawh a ni ang. A thing zochiaha, a kutphah hlaipuiah chuan lehkha hlawm ho chu a awm dala, kan pawt hrehtlang khawp mai a. Kan zinga a thau ber, Zauva chuan uluk tawkin a khawih kual dan dana, a rin ber chu muangchang hian a la kang da da a. Chuveleh, Rina chuan rang zet hian alo laksak a, a phelh ta sawk sawk a. A phelh chhung chu second hnih pawh a tling lovang tih tur nimahse, Zauva hmel mawlh mai kha, natna khirhkhan tak tuar, a tuka thi mai turhmel hi a pu in ka hria. Rina chuan a pawh pharh hnu chuan “Third” tih pahin kanhmuhchian theih turin a rawn keng kual a. Kan nui dar dar a, Zauva chu a nui ring fal bik khawp mai. Tichuan, kan pawt ta diat diat a, Rina chuan a lo endik zel bawk a.Pahnih chiah a awm tawh, Rina nen chuan kan la pawt ve lo a, first leh last chiah aawm tawh tih kan hre vek bawk a. A tu emaw zawk zawk chu lut hmasa ber tur kan ni tihkan hre kar mai a. Midang lah an lo phur nasa tawh mai a, tu zawk takin ‘first’ pawt ang maw tih hre chakin pawt turin min lo tur sek tawh a. Rina nen hlauthawng taka pawt turkan inkawh tawn vel hnuah chuan uluk takin ka thlek dun vang vang phawt a, tichuan‘last’ zawk ni ngei tura ka rin chu ka thlang ta nalh a. Ka damchhunga ka theihnghilh lehngai tawh lo tur leh ka nun zawng zawng her danglamtu, ka hlimna ber nichungalungngaihna khurthuk bera min hnukluttu ni bawk si, ka mitte chu tuihna \ha mi ang maia chantira sahuai nido anga ka thlunglu min kaihkun saktu, ka tawnna tur lehkha chuka zuk pawt fu ta anih chu!Ka châk vang leh phur vang pawh ni hauh lo chuan hma ka hruai ta a, stepah hiankan inzui chho diah diah a. An kawt kai kan han thleng chu engvang kher nge maw nile...an kawngka chu inhawng sa vekin a lo awm a, kawngka kik hma hauhvin kan lang 

 

nghal vek a. Pa pakhat zahawm taka inchei hi sofaah hian a lo \hu thluang diai a, phawk deuh hra chung hian min lo thlir reng a. Ka rilru a buai ta, ka be nghal mai dawn ngekawngka chu ka kik leh phawt dawn aw..., ka kik dawn chuan min en reng tawh bawk si,kik lova ka biak dawn chuan a mawi lo ka ti deuh bawk si, Val hi a van laih theih ngai em!Ka \hiante ho lah chu ka hnungah an chuan intlar \hap a, an lo nui khur char charmai bawk si a. Laih sa tawh nakalaiin ka hnungah chuan min rawn nawr chhen lehnghala. Inthlahrung leh lai zetin kawngka chu ka kik ta nge nge a. “Lo lut r’u” a tih meuh chuaninchhung chu ka lo rap reng tawh a, zak ang reng takin, “Sangtei a awm em?” tih pahintawlhchhuah leh rih phawt tumin hnung lam chu ka’n nek deuh vak a. Intlar kan nihavang chuan ka tawlh chhuah pah khan ka lo \ang deuh nge ni, a hnung bera ding Rinachu a tlu ri ta rum rum mai a. Eng nge ni ta tia ka ve lehhawi chuan Rina chuan a tluk pahin bawlhhlawh bawm chu a lo vai thlu tel a, step-ah chuan bawlhhlawh bawm chu alum ri thla rum rum hi a lo ni a. Rina inthlahrung lutuk chuan bawlhhlawh bawm chu aum zui a, ‘Lo lut rawh u’ kha a ti tawh bawk si, luhsan chi a ni bawk si lo, kan lo thlir a,stepah lah chuan bawlhhlawh a inbun darh thla nuaih bawk si! Kan nuih a za bawk si, kannui ring ngam tawh bawk si lova, kan inhupa, kan nui dir char char a.Kan thawmah chuan inneitupa chu a rawn tho chhuaka, thil awmzia a rawn hmuhchuan, “Tihpalh a nih kha, tihpalh, Sangte..Sangte..” tiin a fanu chu a au ta chul a. Rina arawn thlen chhoh leh chuan kan nula rim tur ber, kan ralkhat ‘star’ em em, amah Sangteingei mai chu kan zingah chuan a rawn ding chhuak ve reng tawh bawk a. Rina chu a zak  bawk si, a nuih a za bawk sia, a lai pheng chuan, “Hmunphiah in nei em, ka’n phiat ang e,hmunphiahte chu ka tih \han alawm,” a’n ti ringawt a, midangho chu kan lo insik ru charchar tawh a. Sangtei chu a lo fel hlauh a, nui var var chungin zangkhai tak hian, “Ho lutuk,lo lut ru, nakinah kan tifai mai ang,” a tih takah chuan an pafa chu kan zui lut tlang ta a.Zauva lah che chhe thei tih takah carpet inzawmna a chhuih fu palh a, tum loh deuhin ahmaa kal inneitupa ber chu a va bawh kal ut a. Nuih za bawk si nuih rik theih loh lohreawm zia hi hemi \um hian a taka ka hriat tak ni.Sangtei chu a hmel\hat ang bawkin a lo fel em em mai a, a \awngduh em em bawk a. Kan zinga zaktheilo bera kan ngaih Manuntea chuan kan hming koh dan a sawi dandan a, a tawpah, ‘Kei hi Reubena ka nia,” a’n ti chiah mai chu kan \hianho chu kan inmelhkual a, nuih a za duh kher mai, amah lah a thu tak em em mai bawk si a, insum a har theingei mai. Kan vengte kan han sawi hnuah chuan a pa chuan kan vengah hmelhriat a longah khawp mai a, kan titi tlanga, kan tlangnel ta phian mai a. Sangtei pawh chu a fel bawka, hawihhawm takin min be ve zel hlawm a, a nui deuh sang reng a, kan nui ho lehdar dar \hin a. Ka rilru tê tê chuan hmel\ha tak tak hi chu an lo induh ngailo a nih hi ka tia.Thingpui kan in lai chuan nula pakhat hi Bible leh hla bu rawn zak zeh \an chung hian a rawn lut a. Ka han hmu thut mai chu ka phu zawk ni berin ka hria, a hmel\hat danchu sawifiah thiam ka va han chak em! Engtin emaw ni hian ka awm hian ka hria, murdeuh chem chem hian ka inhria, a tak takah chuan engtin nge ka awm ka hre lo a ni reng si a. A hmel chu a \hat vang hrim hrim nge ni, hlim reng hmel hi a pu hian ka va hmu a, anui sang a, a rawn kal hah vang ni ngei tur hian a biang chu a tai sen \en a, a sam a bin a,hnunglamah a \awn a, chalsam tlem a uai deuh bawk a, a mitmeng lah chu a fiah kak maia, nula mawl tak chu a ni thei lo hrim hrim ka lo ti rilru a. A hnar, a biang leh a khabe, ahmui te zawng zawng chu sawiselna lai tur awm reng reng ka hre thlawt lo, a vun rawngtelah chu a ngo buang thak mai bawk si a, a ‘Siamtu’ a va’n chawimawi bik teh lul em tih lohrual a ni lo. A piante hlei hlei chu a nalh emaw tih mai tur a ni, a inkhai thli zaih mai a.Pheikhawk sang a bun bawk a, ka chen lo ang a tiin ka lo teh ru hman pek a. Hmeichhekawr hak hi a va nalh ve tiin ka fak khat khawp mai a, nalh ka hriat loh vang te pawhaniang, mahse, he nu hi chuan a ta tur liau liaua siam a ha a nih dawn hi, a puan bih te lah

 

chu a va han inhmeh teh reng em, Mizo incheina hi khawvel hmeichhe incheinaah hian alo nalh ber a nih hi tih min ngaituah tir hial a. A pheikhawk bun te hlei hlei chu a inhmehkan ti dawn nge a ke var fai nalh zet mai chuan a chei mawi zawk.... A rawn luh chhung chu a rei loh teh lul nen, minute hnih khat vel lek a ni awm si a, rilru hi a va lo chak ngaiem! A duhawmna zawng zawng chu ka lo chhiar \euh hman a, mahse chutia mitkhap karleka a \hatna te chu chhiar zawh rual a ni si lo.Ka â phut ni berin ka hria, ka harh chhuah meuh chuan a room lama a kal liamthlengin ka lo thlir reng ani tih ka inhre chhuak leh hnuhnawh a, inthiam lo takin ka\hiante lam ka’n hawi chuan an ni ho pawh chu keimah ang bawkin an lo awm ve ni ngeitur a ni, kan hawina lam a lo in ang vek tih kan hmuh chuan ka inthiamlo bik duh ta lova.Sangtei nau ni ngei turah ka ruat thlarawk a, ka hre chak hle nangin ka zawt zak deuh si a.Sangtei ka va en a, hmel\ha hle mahse tuna rawn lut zet kha zawng a hmel\hat em empiah lamah eng emaw danglam bikna riau ka sawi thiam si loh nei tlat hian ka hria a.Kan titi mek laite chuan ka rilruah engmah dang a awm thei tawh lo, Sangtei rimtura kal kha kan ni nachungin, Sangtei lam reng reng ka ngaihsak lo. A room a\ang chuana rawn chhuak leh vat ang chu maw ka ti rilru a, ka mitsir hian a room kawngkhar chu kava mitsir ru reng mai a. Rawn hawng mai tur hian ka rilru chuan a beisei tlat mai a, amahhmuh leh hlan ringawt chu ka nghakhlel a. Eng nge maw ka awmzia hi le.., hmeichhia kavawi khat hmuhnaa heti em em a ka rilru zawng zawng luah nghaltu hi an la awm ngai silova. Hmeichhiaah pawh a hming ka hriat loh, tawngkam khat pawha ka la biak loh, ahmel pawh minute hnih vel lek ka la hmu chauh a ni si a.Ka \hiante nui ham ham karah chuan eng nge an nuih pawh hre lovin ka lo bengngawng nuih ve mai mai a. Ka rilruah chuan amah ngawt lo chu a lut thei tawh lo, ahming eng nge niang le? Min hmu ve ang em le ? Ngaihzawng a nei ang em le ? Aaa.. a neiang, a hmel a \ha em mai... tih vel ringawt ka lo ngaituah a. Saphovin an lo sawi \hin,

‘Mi zuna uai tur chuan vawi khat inhmuh pawh a tawk thei, theinghilh leh tur erawh chuan kum tamtam a vei angai’ 

tih hi ka chungah a lo thleng ve ta mai em ni le! Chutianga ka rilru ringawtka lo kawm lai chuan ka \hiante tho ta uaih hlawm chu ka hmu a, ka harh kawk a, haw ahun tih ka hre ve nghal mai a. Ka rilru pek chuan la \hut khawmuan rih a duh hle mai a, ahmel hmuh leh theih hram ka duh a ni. Beidawng tak beisei rilru tak siin a kawngkhar lamchu ka va melh leh hram a, se a la reh hmak bawk si. Sangtei chuan kawngkhar thleng minrawn thlah a, ka rilru ringawt ka lo kawm lai khan an lo inkawm tlangnel hman viau ni turani, fiamthu nen kan haw tur chu kan ri ham ham a.Kan haw lam step-a kan chhuk thla chu kan kal lam nen kha chuan lei leh van ang vel a ni, bawlhlawh bawm lumte kha kan sawi thla a, insum \ul ti tawh hek lovi, kan vaichuan uar zet zet hian kan nui thla vak vak a. Mahse, kei ve thung erawh chu rilruchhungrila hlim deuh si hlim tluantling si lo hian ka awm a. Ka nun pum her danglamtutur, ka hmalam hun ka lo ruahman lawk sa ve zawng zawngte min thlaksak vek tu tur,hmangaihna hi eng nge a ni tih min chhiar thiamtirtu tur, hlimna vawrtawp min thlentutur leh chutih ruala rilrunate dinhmun zuk hrethiam tura ka thinlung min hliamtu tur,tumah hlauh nei ngailo nia inngaive \hin Val min vel \aptu tur leh kut chakna thahrui tellova thi silo dam silova min sawisatu tur a la ni dawn tih ka hre der si lo. Hriat chu sawi lohKelchal mang man ah pawh ka man phak loh a ni si a, rin lawk ngaihna pawh a awm loreng reng. He mi ni a a hmel ka hmuh hi ‘ka khawvel’ thara ka luhna tura kailawn hmasa ber ka rap a ni tih reng reng ka in hre lo.to be contd.

 

 

 

http://www.scribd.com/doc/87380114/keimah

WITHOUT YOUR LOVE, I WOULD DIE!

Chu zan chu zan dan dang ang lo takin a bialnu chu a ngawichawi hle a. Thil dik lo chu eng emaw tak a awm aniang tiin a ngaih a tha lo hle mai a. Theater atanga haw mek an ni a, "Ding lawk teh, thil sawi tur ka nei nia," a bialnuin a tih takah chuan car chu kawngsirah a tiding a. A lo hlauthawn ruk ang ngeiin a bialnu chuan a rilru awm dan leh inthen a duh thu chu a sawi ta a. Chhan ngaihna pawh a hre lo, a mit a khap sak sak a, a biangah mittui a lo luang ngiai ngiai a. Ngawi rengin a ipte a zen a, lehkha thleh te tak te hi a rawn phawrh a. Pek pahin, "I room i thlen hunah chauh i chhiar dawn nia," a tih lai mek chuan car pakhat hi chak zet hian a rawn tlan a, anmahni chu a rawn su ta bur mai a. Mipa chu ka pawh chhawn lovin a hmunah a thi nghal a, mahse, mak tak maiin a hmeichhia chu a damchhuak hlauh a.

A rawn harh chhuah leh chuan a bialpa pek lehkha chu a phawrh vat a, a chhiar a, ti hian a lo inziak a : "Without Your Love, I Would Die!"

TILL DEATH DO US APART

Nula : Ti zawi deuh rawh, ka hlau a nia.
Mipa : A nuam zawk alawm tlan chak te chu.
Nula : A nuam lo nia, khawngaihin, ka hlau tak tak a nia.
Mipa : "Ka hmangaih che" ti phawt la.

Nula : "Ka hmangaih che" khawngaih takin tlan muang tawh rawh, aw khawngaih takin!
Mipa : Min kuah leh phawt rawh (Nula chuan a kuah a)
Mipa : Ka helmet hi mi han phawi sak teh..
Nula : Tinge ?
Mipa : Ka ning deuh tlat, nangman khum rawh.
A tuk newspaper-ah chuan - Bike accident : ... Bike kawngthlangah a tlan liam a,a brake fail vang nia hriat a ni. A hmunah hian mipa chu ka pawh chhawn lovin a boral nghal,a luah hliam natak hmuh a ni.Hmeichhia erawh vanneithlak takin a damchhuak hlauh a, tunah hian damdawiinah enkawl mek a ni a, ngaihtuah awm a nih loh thu doctor te chuan an sawi. (The boy dint want her know the brake failure, instead, he had her say she loved him, and wanted to feel her hug one last time, and saved her by giving helmet)

Tlai lam a ni a, amah chauhin dawrah chuan a thu a. Vei vak pawh an tlem tawh khawp mai a. Nidang chu ni se dawr chu a khar ang a, a haw daih taw hang. Mahse, a bialpa lo kal tur chu a lo nghak ran a. Hla deuh hlek a bialpa rawn kal mek chu phur takin a lo thlir a. Vawilehkhatah pa lian pui hmaituam chemte keng hi a rawn lut thut a, a rangkachak thi awrh lai chu pe turin a vin tuarh tuarh a. A pek loh chuan thahah a vau khur khur bawk a. Ani’n a pe phal si lo, an inchuh ta, an inpawt tang tang a. Chu pa chuan la thei bik hek lo, nula chu a rem lai laiah chemte chuan a vit ta mawlh mawlh mai a. A bialpa chuan engkim a rawn hmu hman a, a rawn tlan chiam a, mahse, misual pa erawh chu a rawn man hman lo a. A bialnu chhuata thisen nena inchiah nuaih mai thaw ri bawrh bawrh chu lainat em em hian a zuk pawm kang a, “Tinge, thi kha I pek mai loh?, I nunna in a tawrh phah thei tih I hre reng si a,” a tih chuan, ani chuan, “Min pek lai khan, ‘ka hmangaihna i kawlah in ngai tlat ang che' i ti a, I hmangaihna hi ka damchhunga kawl ka duh a ni,!" a ti a, a chatthla ta riai riai a.

COFFEE AL CHU A THLUM

 
A hmuhna hmasa ber chu a thianpa birthday party a ni a. A hmelthain a piante a nalh bawk a, mipaho chuan an bawr deuh laih laih reng a. Ani ve thung chu tlangval naran ve mai anih avangin tuman an uksak lem hlei lova.

Party a zawh hnu chuan zah pawh dawn lovin coffee in puiah a sawm ve ta ngawt a. Hmeichhe hawihhawm tak a lo nih avangin a lo remti ve mai bawk a. Tichuan coffee dawr nuam zet maiah an chawl dun a, coffee in puia sawm e ti lo chuan sawi tur reng reng a hre lova, a lai chhe der a ni ngawt mai a. Hmeichhia chuan chutia han thut ngawih dun reng chu nuam a tih loh em avangin haw rawt mai a tum a. 

Mahse, chutih lai tak chuan, “Chi a awm em ? Coffee-ah hian tlem ka telh duh a..” tiin waiter chu a ko ta lauh lauh a. Midang awm ve chuan mak tih hmel zet hian an lo en thap mai a, ani chu zak tih hriat tak hian a sen tan tan a. Chi chu a coffee in tura telh pah chuan, “Ka naupan laiin tuipui kamah kan cheng thin a, tuipui al leh chu mi hmuna cheng ka chhungte leh thiante kha ka rilruah hian an awm reng thin, ka ngai thei lutuk a, coffee al ka in apiangin engtin emaw ni ka awm a, a nuam veng veng hian ka hre thin a,” a tih lai chuan nula chuan mak tih hmel deuh hian a lo ngaithla a. Nula chuan chu pa mize mak dangdai tak chu a ngaina ru ta hle mai a, tichuan, a chhungte chanchin leh naupan lai chanchin te chu a hrilh ve ta a. Mak tak main an titi tui dun ta hle a, an lo inmil em em mai bawk a.

Kum thum hnuah chuan an innei ta hial a. An induh tawn em em a, nupa hlim tak an ni chho dun ta zel a. An nu chuan coffee a siam sak reng rengin chi a telh sak ngei ngei thin, coffee al a duh zia a hriat tawh miau avangin. 

Kum 50 a a ral chuan an pa chuan a boral san ta a, a thih hmaa a lehkha hnutchhiahah chuan, “Ka duh tak, I laka ka damchhunga dawta ka nun avangin min ngaidam ang che. Kan inhmuh hmasak ber tuma coffee al ka duhthu ka sawi kha dawt liau liau a ni. Ka nervous em avangin ka sawi tur hre lovin ka lam ringawt a, coffee al kha kan inkawm tanna a ni ang tih reng reng ka ngaituah pha lo. Vawi tam tak thudik hrilh che ka tum thin a, ka sawi ngam lo leh thin. Mahse, kha bak kha chu ka damchhunga dawt hrilh leh ngai tawh lo tur che in ka intiam ta a ni. Tunah chuan ka thi dawn ta a, thudik tak chu ka hrilh ngam ve ta chauh che a ni. Coffee al kha a tui lo khawp mai, a tui lo tak zet a ni, mahse, ka damchhunga ka in kha a tul ta si a. Nang ka tawng che hi ka inchhir ngai lo a, ka hlimna ber I ni reng si a. Piang nawn leh dawn pawh ni ila damchhung hun hman dun puia’n tawn leh che hi ka duhthusam a ni, coffee al in ziah pawh ngai leh dawn mahse…” 

A hnua a thiante’n fiamthua “Coffee al chu engtin chiah nge a awm a?” tia an fiam changte hian ani chuan, “It’s SWEET” tiin a chhang thin a ni.

I LOVE YOU DAD!
Uluk zet hian a car lei thar tle var mai chu a hru hauh hauh a, lungawi em ema a thlek vang vang hnu chuan inchhungah a luh san a. A va chhuak leh chu le... a fapa naupangte hian car bang chu lungin uluk tak hian a lo

thai ngar ngar mai a. A thinrim lutuk chuan engmah pawh ngaihtuah loin a va vaw ta nawk nawk a, wrench a ken lai chuan a vua tih reng reng a hrechang tawh lo. A harhchhuah meuh chuan a fapa kut zungtang pahnih chu a lo vaw tliak hman reng tawh a.
Damdawiina a kut an tuam mawlh mawlh lai chuan a fapa chuan, "A pa, eng tikah nge a lo to leh ang," tia a zawh chuan a hrehawm ti lutuk chu inlamah a tlan hawng a. An kawta a car lei thar chu a va chhuih chawrh chawrh ringawt a, engmah awmzia a awm tawh si lo. A fapa thai ran lai chu a zuk chhuih fuh a, a'n enchian chuan tihian a lo inziak kalh a,
'I LOVE YOU DAD!'

Who doesn’t wanna go back to da time when getting high means on swing...when drinking meant juice....when dad was the only hero...when love was mom hug... when dad shoulder was the higest place on earth...when our worst enimies were our siblings...when the only thing that could hurt were wounded knees...when the only things broken were toys...when goodbye meant only till tomorrow.............??????

CHHIAR NGAILOH LOVE LETTERS!!

Mi zakzum tak a nih avangin an in piah lawk a lehkhabu dawr nghaktu hmeichhe duhawm tak chu a duh zia leh a ngainat zia a hrilh ngam ngai lova. A hmelhmuh reng a duh a, biak chak hle mahse, chhuanlama chanchinbu hrang hrang man zawh kual vel bak a ngam si lo. Nitin hmuh a duh avangin chhuanlamah chanchinbu man tlawm te te a lei ziah thin.

Chutia nitina kal ta chu chu nu pawh chuan a lo hre viau a, a ruk takin a lo ngaina ve em em a, mahse, a sawi lang chuang lova.

Nikhat chu zah pawh dawn lo hian hun remchang a hmuh veleh a duh thu a hrilh ta pawp a, mahse, chu nu chu a lo zakzum ve em em mai niin a lai lutuk chuan inchhung lamah chuan a tlan luhsan ta ngawt mai a. Mipa hrilhai leh zak bawk si chu a haw nghal nal nal a.

Zah hle mahse a hmel hmu lovin nikhat pawh a awm thei si lova, a tukah chuan a va kal leh a, a beisei loh takin a chanchinbu lei chu a lo tuamsak thlap a. Tichuan, phur takin nitin chanchinbu chu a lei ta ziah a, anin a lo tuam sak thlap zel bawk a, mahse, hmangaihna thu erawh a sawi pui leh ngam ngai ta lova.

Nikhat chu a hmel reng reng a rawn lang ta lo, hmeichhia chuan nilengin a lo ngai chang reng a. A tukah pawh a lo la lang ta lo, kar khat hnuah pawh a lo la lang ta chuang lo.

A ngaih a that loh tak em avangin an inah chuan a va kal ta a. A va thlen chuan mipa nu chuan lungchhe takin"Hmangaih em em a nei a, chu nu chuan a duh ve si lova, a inawhhlum phah ta ani"tiin tap zawih zawih hian a lo hrilh a. A fapa room a entir chuan a chanchinbu lei zawng zawng kha a intuamna engmah pawh phelh lovin a lo inrem fel thlap a, a chhiar ngai miah lo tih a hre thiam nghal a. A hmangaih ber hmel hmuh theihna anih vang chauha lei thin a ni si a.

Chanchinbu a tuamna nena lo inrem fel thlap a hmuh chuan chu nu chu a rawn tap chhuak ta vak a, chanchinbu a rawn leiah khan a tuamsak apiangin a karah 'love letter' a dah tel ziah kha a ni si a!

HMANGAIHNA MAK MAWI LO LEH DUHAWM LO CHU!

"Kei chu tihtlak ka phal lo, min ngaihsak dawn lo a nih pawhin ka pai tlang dawn tho tho..." A va mak ngai em! A chhiar nawn leh, a ni ngei si amaw..! A tak tak a ni thei dawn em ni ? A khawhmuhte chu a fiah lo nghal ruaiin a hria, kum 4 chhung hlim takin induhtawn takin an lo inzui ve tawh. Hetiang ang taka rapthlak hi engtin nge a bialpa a hmangai em em, a rilru leh thinlung zawng zawng a pek vek tawh hian a tih theih zawk! Amah ngei khan ani lawmni rinawmna zungbun lei saka, bun tirtu chu!

A tuk a Birthday anih avangin a bialpa chuan bazar turin a rawn sawm a, ani chu a la insiam zawh hman loh deuh avangin a bialpa chu bathroom-ah zung turin a lut a, dawhkanah a phone a dah mai a. Phone a rawn ri a, thil pawimawh tak te a lo nih takin tih thil thuah a bialpa message dawn chu a lo chhiar sak kha a ni a.

Dan 1-naa inneih ngei tumin kha leh chen inlungrual takin thlemna an lo do dun tawh thin kha a ni a. A thiante ngei hnenah pawh chhuang takin a bialpa rinawm zia chu intithei takin a lo hrilh ve fo tawh thina. Mahse, engtin nge nula dang a lo chetsual pui theih ? A la rai zui! Vawi engzat tak lo chetsual pui tawh ang maw?

A bialpa lah chuan a hmangaih zia te, a ngaihthin zia te phone leh text-ah mai nilo, a hmaichhanah ngei a sawi zing dup thin kha a ni si a. Inneih thuai thuai a chak tawh zia te kha a hma zan mai te khan a rawn sawi a, engtin nge midang khatianga a chetsual pui lai pawha duh ber leh hmangaih ber anga biahthu a la hlan thei si le...!

A bialpa bathroom atanga rawn chhuak chu a lo en a, engmah pawh a sawi thei lo, a mittui a sur zung zung a. Chhuahchhal a, vin hrep a lo tuma, mahse, aw chhuak tur reng a nei lo. A hmaia lo ben hrep duh khawpin a thin a rim, mahse, a kut chu lekchhuak turin chakna reng a nei lo. A thinlung hliam chu a na em a, a pawt chaua, a tha leh zungte chuan rau ang maiin an thlawhbosan a, chhuatah chuan duh loh paih ang maiin a thu sawp hnawk a..a inhnit ta hlawp hlawp a..

(This is true story...!)

A NA LO, MAHSE A NA
"Chhuak rawh, tunah chhuak nghal rawh.." tih pahin a nupui chu a hmaiah a beng thuai a, ani chu a tap ta zawih zawih mai a.

An inneih tirh te kha chuan duh ber innei an ni bawk a, an hlim dun em em thin. An hlimna belh

chhah turin fapa duhawm tak an nei a, tu chhungkaw dang mah awt lovin Pathian zarah an hlim ve tawk em em thin. Mahse, sual chuan a hming a pu zo lo ang tih hlau niawm takin chumi te chhungkaw hlim taka awm chu thikin hlim nui ri chu mangang rum ri in a thlak sak a, lawmna aw chu lungngaihna aw in a thlak sak ta bawk a. A chhan chu eng dang a ni lo, pa ber chuan nupui fanau aia hmangaih dang a nei ta tlat mai a.

A hmangaih thar chu a atchilh a, a thupui ber a, a tel lovin nikhat pawh a awm thei ta lo. A nupui a hmangaih em em thin chu vawi duai lo kut a thlak phah a, tawngkam chhe tinreng a lawh a. A fapa a duat em em thin, a duhzawng apiang a leisak emaw tih mai tur aiin a hmangaih thar tan a pawisa neih zawng zawng a hmang ral a. Chu a hmangaih thar chu 'Sual tinreng bul ZU' a nih miau avangin sualnain an inchhungah ro a rel a.

Zu in leh nupui kutthlak chu a nitin hna emaw tih mai tur ani, mahse, a nupui chu vawikhat pawh a tlan duh ngai lova, eng ang pawhin sual mahsela, a pasal chu a hmangaih ngai rengin a hmangaih a, bang lovin nitin zantin a tawngtai sak reng thin. Pathianin a hun takah chuan a lamah a hruai kir leh ang tih a beisei tlat a, bang lovin a pasal tan chuan a dil sak fo thin a ni.

Vawi za tam a vaw tawh a, vawi tam tak a bengin a sawisa thin tawh, mahse, vawikhat te mah a la tap chhuak ngai lo kha a ni a. Mahse, tun ataka tinge a tah tak mai chu le tiin mak ti takin a zawt a, a nupui chuan, "I bengna tawh lo khan ka rilru a ti na a ni, ka tap lo thei lo ani" a ti a. A pasal chuan a la hrethiam chuang lo, "A na si lo, tinge i tah si?" tiin a zawt leh a. A nupui chuan, "Mate-a pa, a awm zia chu, hman ang khan bengna turin i chak tawh lova, zuin a eichhe vek tawh che a, i damrei tawh lovang tih ka hlauva, Pathian hnena i let hmain i boral hman ang tih ka hlau em ani" tiin lainat hmel zeta a pasal en ran chungin a ti a.

MY FIRST KISS

A vawi khatna leh a hmasa ber a nih avangin ka zam ru hle mai a. Miin min hmuh ka hlauh em avangin khaw en lai pawha ti ngam lovin zanah tumah hmuh lovin bathroom-ah hruai luh ka tum ta a.

Bathroom-a kan lut dun tur chu ka hawi kual zak zak a, min lo hmu an awm em tia fimkhur taka ka thlek kual hnu chuan dim thei ang berin Bathroom kawng ka chu ka hawng da da a, kan lut dun ta a. Thawmnei lo thei ang berin kawngka chu chhung lamah ka kalh leh thlap a.

Tichuan, dimtein amah chu kan zut a, engmah a sawi lem lova. Ka ngampa deuh sawt a, duat tak hian ka kut chuan ka chelh nghet sauhva, a haw lem lo aniang, engtin mah a awm lova, a tang hek lova, min duh ve tak tak a nih ngei ang ka ti rilru a.

Uluk zet hian ka melh vang vang a, lungchim taka fawh ka tum lai tak chuan thawm a rawn ri, ka phu nasa kher mai, ani erawh chu a phu eih lova, a ti thang viau tawh anih ngei ka ring nghal a. Ka vawn lai chu ka thlah vat a, thawm chu ka'n ngaichang leh te te phawt a. Kan ngawi dun kar a.

Reilote hnuah chuan thawm a reh ve mai a, tichuan a hma aia ulukin ka lamah chuan ka pawt hnai a, engmah a la sawi chuang lo. Chutah ka pian ahnu lama a hmasa ber ni turin ka zuk fawp de de a. A tui nge a tui lo pawh ka hrethiam lo. Ka zuk fawp nawn leh a, ani lah chu ka tih ang angin a awm mai si a.

Chutah le, duhthawh em em mai hian ka fawp ta mawlh mawlh mai a. Mita min lo hmutu chu awmse ka ei zo mai duh hmelin min lo ngai ngei ang. Ka damchhungin a zunah ka uai dawn tih hre reng reng lovin amah ka itna leh ka insumtheih lohna chu remchang ka hmuh hmasak berah ka ti puitling ta a ni.

Kha zan kha ka hua a, tunah chuan kalsan duh mahila ka thei tawh si lo. Harsa taka ka thawhchhuah ve tawk tawk ka pawisa tam tak atan nitin ka hmang ral a. Ka nun a tibuai em em a, mi zinga ka awm rei deuh leh min ko chhuak sek a, mi awm lohna hmun remchang leh bathroom te kan pan leh dun nge nge thin. Ka tan a tha lo tih hre reng chungin kawp lo thei si lovin ka awm a. Duh lo hle mahila ka thisenah hian a zun chuan zung a kaih tlat tawh bawk si!

Aw... sikret / meizial!

Sawi ngaihna tak pawh ka hre lo che...

VANLALPEKI DAM NAN ...!

"Hei result a lo thleng chiah a, han sawi tawp mai ila, a pawi khawp mai, a thisen a lo cancer tlat mai a, a rang chi a ni lehnghal a, phai in pan pui vat a ngai dawn a ni," doctor-in a ti chiah chu a mitsulh a, kha

w eng uarh kha a thim nghal mup mai hian a hria a.

A mitthlain a pian zana an nupaa an hlim dun ziate, Pathian pek ngei a ni e tia lawmthu sawi tawngtaina nena 'Vanlalpeki' tia a hming an sak laite, a tah hlek tawh chuan an buai dun thin zia te, a rawn nuih
ve changa hlim em em an nupa an khek dun chel chul laite kha a rawn lang uarh uarh a.

Nitin eichawp zawngin mi in chhete luah mahnise, mi hausa leh nuamsa taka khawsate, motor leh bike changkang taka tlan fur fur te awh chu sawi loh, an fanu avang chuan tudang mah he khawvelah hian an ngai lova, an khawvel chu lungawina in a khat a, he an fanu bak hi khawvel dang an nei lo tlat!

Mahse, vanduaithlak takin thla li a tlin hmain a dam hlei thei lova, damdawi, vitamins leh eitur tha te pe turin pawisa an nei chuang lova, enkawlna tha pe turin nitin eitur buhfai an nei tawk tawk chauh a ni si a! A tawpah an mangang lutuk chuan naute chu inpuak chhawkin he damdawiin hi an rawn thleng a, an retheih em avang pawh aniang doctor leh nurse te pawh chuan an lo ngaihsak tha duh mang lo lehnghal a. Lapua leh syringe takngial pawh leina tur an nei lova, damdawiina awm ve mi thenkhatte'n lo khawngaihin pawisa tlem azawngin an lo tanpui ve hlawm kha a ni a. Tunah, phai pan pui a ngai an ti maw..!!? He damdawiin pan tur hian taxi fare pawh an nei lo kha a ni a... Khawia pawisa in nge phai an panpui tak ang..!? Thisen cancer a rang chi lehnghal a ni maw...!!? Pathian pek 'Peki' chu a thi ang maw..thi ta se eng nge damchhan awm tawh chuang ang, a fanu chu a khawvel a nih avangin a boral anih chuan a khawvel a tawp dawn a ni mai si a..! Engtin nge a nupui chu a hrilh tak ang..!?

Darkar hnih hnuah chuan 'Peki' nu chu lungchhe em emin a tap hawm hawm a, thihna rapthlak tak mai chuan a chungah ro a rel ta si. Naute chu a thi ta mai em ni..? Thi love. A pasal ruang, a thlarauvin a chhuahsan tawh tih hriat tak maia vawt raih tawh, chungah chuan a bawkthlawp a, hnem rual lohvin a tap vawng vawng a, a bula mite chu insum thei reng an awm lo, an mittui a sur zung zung hlawm a.

Ruang bulah chuan lehkhapuan var bal tawh lam pang hlui tawh takah hian hmanhmawh taka ziak tih hriat tak leh hawrawp chhe ve taka inziak hi a let bam a. Tah chuan tawitein ti hian a lo inziak a :

"A hmasain Bawihtei hnenah ngaihdam min lo dil sak dawn nia, a natna enkawlna tura pawisa nei lo pa ka nih avangin! A natna avanga a boral anih chuan ka tan hian damchhan tur a awm dawn chuang loh avangin he ka nunna hi ka bawihtei nunna nikhat leka pawhsei a nih theih dawn phawt chuan tiin a tan ka hlan a, ralna pawisa awm zawng zawng khan phaiah damdawiin tha berah i lo kalpui dawn nia. Ka tel lo pawhin tha takin i enkawl ngei dawn tih ka hria e.

Chunglam atangin ka lo thlir reng thin dawn che u a nia.

Bawihte, i nu nen khan mangtha ule..."


(Based on real recent incident!!)

KA FAPA MIN ZIRTIRTU

"Nupui hmu chuan thil tha a hmu a ni" an tih hi ka hmangaih leh duh ber nupuia ka neih takah chuan a lo dik tak zet a ni tih nitin hian ka hre thar thin a, "Fapa nei phei chuan hlimna a hmu a ni" tih ve mai duh khawpin fapa duhawm tak kan han neih chinah phei chuan ka khawvel chu ka fapaah a inchhungkhawm vel vek ni mai hian ka hria.

Pathian hmangaihna ropui zia tehkhin pha teuh bera an sawi thin 'Nuin a fa a hmangaihna' hi ka thik hial thin, a chhan chu 'Pain a fa a hmangaihna' hi keimahah hian a chiang em em hian ka hre tlat thin! Ka hmangaih leh duh em em ka nupui chungah hian ka lung a awi loh ve fo chang a awm nangin, he ka fapa chungah erawh hi chuan ka lung hi a awi hliah hliah mai a ni. Lungawi loh chu sawi loh, ka thinrim ber lai pawh hian a kiang ka thlen chuan buhsi thliin a len bo vang vang ang maiin thinurna chu chhemkian duak ang mai hi a ni thin. Office bang ka hawng, min hmuh veleh ka lama rawn tlan tarh tarh chunga, tawng la fiah mang lova, "A pa, a pa" tia a ban a rawn phar phei te chu a va hmuhnawm ngai em! Hahdamna damdawi tha ber ka tan chuan a va ni teh lul thin em!

TV-a zai a rawn rik ruala kan chhuatlaia ding sawi lei lawia phur tak maia a su tarh tarhte chu lam thiam ka va han ti tak em! Kan pindan kawngkhar vuan chunga thei leh thei lova lawn paha,"A pa, a pa, en teh, min lo en teh" intithei leh lawn sang inti em em maite chu lawn sang thei tawh hi ka va han ti tak em!"A pa, a pa, min lo en teh, ka huai tawh asin" tih paha kan khum hniamte atanga a zuang thla te chu huai hi ka va han ti tak em! Fiah mang lova, 'one two three' a han sawi nawk nawk a, a dik lo nuaih tih hre reng chungin a thiam hi ka va han ti tak em! Chhung inkhawm kan han nei a, ka bulah thuttirin a kuangkuah ve than a, Lal Tawngtaina (Lor's Prayer) sawi turin kan han ding thap a. A kut khinghnih kan han suihtira, "Kan Pa, vana mi..." tih lai chu ring deuhin a sawi a, a tawp vang vang a, sentence tawp apianga ".... che" "....che" tih lai bak kha a sawi ve thiam leh tawh hauh lo nachungin thiam hi kan va han ti tak em!

Kan inluah kan insawn dawn tumin ka la hre reng, bungraw lian tham deuh ho chu motor lianah kan hlang vek tawh a. Keima thil deuh ho bikte chu ka motor hnungah hlan tumin ka inpu bawr luk a, ka indah fel ka han hawi chhuak chu ka fapate reuh chuan ka lehkhabu thenkhat chu zo tha mang lo hian a rawn pawm bawr ve lai lai a, a hmel ka han en chu rit a ti ve hmel hle hian ka hria, a thil ken chu a tan chuan a rit ve reng bawk a! Ngawi reng hian ka lo thlir a, ka thinlung chu hlimna leh lungawinain a khat a, ka fapa chu ka'n en leh thin, ka biangah lawm avangin mittui a rawn tla thei hial a ni. A thil ken lai tam lam leh rih lam chu ka en lo, mahse, a theihtawp a lo chhuah vena, a phak ang tawk tawka a tih thei ve chhun thahnem ngai taka lo tih a duh vena ka fapa rilru leh thinlung chu ka zuk hmu phak hian ka inhria a, chu chuan min ti lawm a, min vel a, lawm avangin ka biangah mittui a rawn luang lo thei lo a ni!

Ka rilruah tawp chin nei lova min hmangaihtu Pathianina min en dan leh min teh dan tur awm angte chu a rawn lut nghal a. Ani chuan kan tih theih tawk leh kan tih thiam chin te, kan phak tawk te a hriat chian tur zia te, kan thiltih ropui leh ropui loh lam ni lova, kan phak ang tawk tawka theihtawp kan chhuahna thinlung lam a en tur ziate, a fak hla kan sak laiin kan aw a mawi em, kan zai mawi em tih aia thinlung takin kan fak em tih a enzawk tur ziate, thawhlawm thawh tam lam aia kan phaktawk atanga min teh tur ziate ka ngaihtuah zui zel a.

Ka fapa khum atanga zuang thla huai ka tihna chhan chu a phak tawk ani tih ka hriat vang a ni a, kawngkhara tawite a lawnte chu lawn sang ka ti tlat, a theih chin tawk ka hriat vang a ni a, '1 2 3' a sawite chu fiah lovin dik lo neih nuaih mahse, thiam ka tih em em nachhan chu a kum zat ka hria a, a thiam ve tawk a ni tih ka chiang em a ni! Lal Tawngtaina "... che.. che .. che" a lo sawi ve bauh bauh ringawt pawh thiam leh fel ka tihna chhan em em chu a kum ka hre chiang a, a phak tawk ka hre chiang em a ni. Bungrua min thiar puia a zawh tawk lek a rawn chawi ve tang tangte chu kei atan hian lawm lohna chi rual a ni lo. Thil rit pui pui leh lian tak tak a keng lo tih ka hria, mahse, a zawk tawk a rawn keng ve kha ka tan chuan thil ropui ber zawka chu a ni. Famkim lo
mihring, hmangaihna tawp chin nei, kei meuh pawhin ka fapa chutianga ka en anih chuan mi zawng zawng PA, tawp chin nei lova min hmangaihtu, kan sual lai ber pawha min phatsan ngai lotu, PATHIAN chuan keini a fate min en dan tur leh teh dan tur phei chu a va ni leh zua dawn em ka ti rilru a.

Thil ropui leh lian tak ti turin a phut ngai lo ang che, phut se chuan mi zawng zawng hi thil ropui leh lian ti thei vek turin a siam vek ang, chutiang a ni der si lo, i phak tawka thahnem ngai taka a tana i lo tih ve tluka ropui kha Pathian tan a awm lo. I theihpatawpa i lo tih ve tek tek tluka hmuhnawm kha Pathian mitah a awm bikin ka ring lo. Mawi leh nalh taka zai turin a phut kher lo chu, phut se chuan aw nalh tak mi zawng zawng a pe mai ang, i aw nalh lo leh beu, chher chhei chhuaite kha thinlung taka i zai chuan chu tluka rimawi chu Pathian tan a awm ka ring lo!

Do your best and God will do the rest!

AMAH LO CHU PA DANG KAN NEI SI LO!

"He pa hi chu a ninawm ngawt mai, veng a ti tawp si. Inkhawm kal lai takte hian khawlaiah hian a lo mu leh reng thin" tih pahin inkhawm kal tur thenkhat chuan an sawi zui lawng lawng a.

Ka motor atang chuan ka zu thlir a, a samte chu a bukin a kete lah chu a bal hle mai a. 'A va zial lo tak aw, patling pui ni si, sawtia zu ruia kawng sira han mut tak reng mai chu! Inkhawm kal tam vanglai takte a ni lehnghal a, chhungte pawh a nei lo emaw ni le?' tia ka lo ngaituah ruk mek lai chuan mipa naupang lian ve fu tawh pahnih hi an rawn kal hnak hnak a, an inthlahrun hmelin an zah hmel khawp mai lehnghal a. chupa mu lai chu an pahnih chuan a zak tawn tawna kaikuahin an pawm thova. Zo tha thum mang lo tih hriat tak hian kaikuah pah hian an kal pai pui chan chan a. Mak ka tih deuh avang chuan an kal lai vel chu ka lo thlir reng a, a chang chuan an han tluk pui leh rih a, chu pa tawp tak lah chu a rum tuah tuah reng a.

Kan chhungte boral avangin veng dangah inkhawm lova kal ka ni a, an in tak ka chian loh avangin midang lo thleng tur an in awmna hria ka lo nghak mek a ni a. Ka thil hmuh chuan engtin emaw tak hian min khawih a, ka mit ka la sawn hlei thei lova. An kal liam hma deuh chuan tlangval pathum inkhawm tur rawn kal hnenah chuan tunge a nih ka lo zawt ve ringawt a. Anni lah chuan en mang hlei lo hian,"Zubur Rinthanga a nih saw, a fapate pahnih hian an zawn hawng deuh reng thin alawm" tih pah hian min kal pel leh mai a. An liam hnu pawh chuan an kal liamna step lam chu ka la thlir reng a, eng emaw tak hian min mawlh a. Hriat chian ka chak ta tlat a, ka lo nghah mekte pawh ngaihsak lo chuan motor atang chuan ka chhuk a, ka umzui ve ta nghal a. Ka zuk hmu zui ta mai lova, ka nghaha te an rawn thlenga min rawn phone takah chuan ka let san leh ta a.

Nilengin mitthiinah kan awma, vuina neih zawh hnuah rei lote kan awm leh hnu chuan haw zai kan rel ta a. Motor dahna kan han thleng chu mipui hi an lo pungkhawm luih luih mai a. Hawkdak ve ta ngang chu eng nge thil awmzia tiin mipui karah chuan ka va in hnawh ve tawlh tawlh a. Ka thil hmuh chuan min ti phu chiang kher mai! YMA duty hovin zinglama naupang pahnih ka hmuh, zurui chatthla rawn kuahtute, a lian zawk kha an lo man chu niin! Patling thau pui pui leh tlangval rum pui pui chuan an lo hual thup mai a. Thu an lo zawt vel a, chu naupang chu a zam em em tih hriat tak hian a khur der der tih pawh ka va hre nghal thei a.

An lo vin khur khur a, an tiang kente chuan a dar leh remchang lai laiah chuan an lo hawlh sawk sawk a. A hlau tih hriat zet hian a melhkual zak zak a, a mittui a hnai hle tih pawh a hriat mai theih a. A hualtu ho lah chuan an vaw chak hmel em em mai a, "Kan hrilh ngun tawh lutuk che, vawi eng zat nge kan man dawn che ? Nu i nei tawh lova, kan khawngaih che a, mahse, kan khawngaih seng lo ang che" pathau deuh hmui hmul nei chhur hian a lo ti khur khur a. Chu naupang hmelah chuan hrehawm tihna leh zahna hmel zawng zawng ka va hmu thei hian ka inhria a. Tap deuh pur hian chung a hualtute chu a melh kual a, a kut khinghnih suihin ngaihdam a dil mawlh mawlh a. Ka khawngaih lutuk chu va chhan mai hi ka duh a, mahse, mi venga va inrawlh kha chu tha ka ti chiah si lova. Tanpui mamawh em em, chhantu ngaia tap vawng vawng mai han hmuha tanpui thei si lo dinhmuna han din hrehawm dan chu ka hre ve thiam chiang kher mai.

"Rambuai laia vai sipai dum lian pui pui nunrawng hmelchhe zet hovin kan farnute an han khawih rak tuarh tuarhte, an han khawih te vawng vawng te leh an tap hawm hawm laia sipai dangin silai kau sa nena min tin reng avangin che thei silovin awmhmunah hian kan lo inseh ruh ngat ngat mai ani" tia kan pate rualin min hrilhte kha ka hre chhuak uaih uaih a. Chutia an hual tuau tuau laite chuan tih theih ka nei der si lova, ka tih theih awmchhun chu engtin nge an tih zel dawn tih lo thlir a ni tawp mai.

Thlir hrehawm ka tih em avangin an hotu ber nia ka rin pathau deuh hmuihmul nei chu ka va pan ta tawp a. Kan nau a nih thu leh a thil tih sualah pawisa chawi ngai an tih zat zat ka chawi mai tur thu leh ngaidama chhuah turin ka va ngen ta a. Anni chuan hreh hmel zet hian ka dilnate chu min lo pawmsak a, mahse, pawisa erawh chu chawi a ngaih loh thu leh tunchina fimkhur turin min ti a. " Awle, ka pu" tih pahin chu mipa naupang chu ka motor lamah ka kai phei dawr dawr a. Mak tih hmel leh hrethiam lo hmel zet hian min en a.

Motor chhungah chuan a chanchin engkim min hrilh ta a. A nu hian kum 2 kalta khan a pa zurui ning lutuk avangin a tlan bosan a. A pa lah zuruia khawlaia mu kual mai mai a nih avangin an unau pawh chu school pawh kal chhun zawm thei lovin mi inah an inhlawhfa thin a. Tui chawite, mi bill pek sakte, mi motor silsakte leh a remchang apiang an thawk dun mai thin thu te a sawi a. A pa hian zu la turin a tir fo thin a, chu pawh an unau inhlawhna pawisain, vawi eng emaw zat chu YMA ho pawh hian a zu la lai an lo man tawh thin ani tih te chu min hrilh ta zel a.

"Tinge i pa chu i hnial mai loh, in unau inhlawhna pawisa lehnghal" tia ka'n zawh chuan ka rin loh dan leh beisei loh dan daihin min chhang ta a. "Nia, mahse, zu hi a taksa in a mamawh tlat tawh a, zu lei sak hi ka zak ve thin lutuk. Khawlaia a lo mu kaih hawte hi hrehawm kan ti dun thei khawp mai. Mahse, a tan chuan engmah tih hreh kan nei lo, kan hmangaih dun em em a, AMAH LO CHU PA DANG KAN NEI SI LO" a ti ta reuh a. Ka rilru a khawi kher mai, ka khawngaih bawk si, ka lawm reuh bawk si chu tlangval intipa ve tak ni mahila, ka romol (ramal) ka phawrha, ka inhru ta malh malh a!

Nu leh pa zahna chang hre hauh lote, nu leh pate thing leh mawl tia hmusit em emte, tawngkam leh che zia thlenga nu leh pa hnuaichhiah duh mai kan tam tawh ziate ka ngaihtuah chhuak a. He mite unau hian an pa zungawl vei, zahpui awm tak, khawlaia zuruia mu mai mai chu theihtawpin an enkawl a, hmuhsit ahnekin an hmangaih em em a, he khawvelah hian an tan pa dang an piang leh dawn tawh lo tih an chiang kher mai!

Ka haw kawngah te chuan ka thinlung chhung ril berah chuan suma buh deng inrawn ri ang maiin 'AMAH LO CHU PA DANG KAN NEI SI LO' tih chu a ri nawt tlut tlut a...