|anpui mamawh lo naupang
Kum tina kan lo tih \hin dan angin Sande Sikul Primary Zirtirtute chu December thla chawlhni hmasa ber a lo thlen chuan Trainning room-ah kan \hu khawp \hap a, kan naupangte zinga rethei zual deuh, \anpui ngai leh Krismas thawmhnaw lei sak ngai an awm em tih kan sawi khawm a. Khawlbawm kan siamah chuan kum tir a\angin kan neih ang tawk tawk, tam lua leh tlem lua awm lovin kan thlak zel a, December a lo thlen meuh chuan a lo tling khawm hnem ve hman viau \hin a, tichuan, kan naupang zinga rethei zual deuhte chu Krismas thawmhnaw kan lei sak \hin a ni.
Chutia kan \hutkhawm takah chuan zirtirtu panga vel chu rawn dingin an pawla naupang \anpui ngai nia an hriatte chu an rawn sawi chhuak sap sap hlawm a, keipawh chuan ka rilrua riak reng, ka pawla naupang pakhat ‘Jonathana’ chu ka sawi chhuak ve a. Mahse, ka hnunga \hu chu a rawn ding chhuak a, ‘‘Jona-thana hi kan kawmthlang lama awm a ni a, a pa hi ka hrechiang ve ang reng a, rui reng mai mi, zing kar atanga rui thin a ni a. Kei chuan \anpui ngaiah ka ruat ve lo, a pa pawhin zu inna tur a nei reng thei alawm’’ a rawn tih chuan ka phu deuh zawk a. Kan zavaiin kan ngawi \hap a, han chhan dan tur ka hriat mai loh avangin kei pawh chuan ngawih ka chuh tlang zui ta a ni. Chutia ka hnunga miin intihrechiang taka a rawn sawi takah chuan engmah ka sawi zui ngam ta lova, midang pawh chuan an pawm tlang a ni ngei ang, an reh \hapa, \anpui loh chu kan ti tlang ta a ni. Ka mitthlaah chuan Jonathana hmel a lo lang nghal a, zu heh tak mai, zing zing a\anga rui \hin, pa a nei chu vanduai ka ti em em a, ka lainat ru kher mai.
Amah Jonathana
Jonathana te chhung-kua hi thingtlang atanga lo pem an ni a, kum laihawl vel a\anga Sande Sikul rawn kai chauh a nih avangin an chhungkua chin-chang ka hre tam lo hle a, an in awmna ka hre lova, a nu leh pain eng hna nge an thawh \hin pawh ka hre lo. Kum tirah kan naupangte theuh an ina tlawh chhuah ka neih lai khan a lo la kal ve hman si lova, an inah ka tlawhchhuak ve ta lo a ni. ‘Tlawh ila a \ha ang’ ti reng chung siin ka hman lo zel si nen, tlawh chhuah ka tum chhungin kum tawp kan thleng ta der a.
Sande Sikul a rawn kal hmasak ber ni kha ka la hre reng, kan leader hian a rawn kai hnak hnak a, chumi \um chuan coat suit var, hlui uk deuh khak tawh hi a rawn ha a, pheikhawk buang, a chhuat chang hmel tak, a chhip a hlui tawh avanga khawk nual tawh hi a rawn bun bawk a. Mak tak maiin naupang thar e ti lo chuan a lo thlen ni a\angin mikhual naupang tih a hriat loh reng reng, naupang dang zingah chuan a tlei ve nghal em em mai a, zawhna chhan hmasak loh hlau em emin a ding vat vat nghal bawk a. A tirah chuan, ‘He naupangte chu a zakthei lo hmel reuh hle mai a’ ka ti rilru nghe nghe a ni. Amaherawh chu, kan inhrawn rei zel a, chutiang mi a lo ni hauh lo, a nihna tak zawk chu, naupang harhvang tak, engkim hriat tum leh tih chhin chak zek zek mi, ‘zaktheilo’ ni lovin a huna ‘zaklothei’ a lo ni reng zawk a.
Kum tawp lama naupang lian deuhho Bible chhiar leh \awng\aina kan neihtir \hin pawh, ‘‘Sir, ka ti ve thei ang em?’’ a ti a, kan han tih tir ve a, \ha takin a rawn ti ve mai a. |um khat pawh, ‘‘I solo thei ang em?’’ ka tia, a bu nghat a, chawlhni lehah chuan a rawn zai ve leh mai bawk a. Chutiang khawpa naupang tih nuam, fel em em mai, Sande Sikul a rawn kal china \hulh ngai miah lo, chawhnu naupang inkhawm kal pawh phur em em \hin chuan, pa, zing kar atanga zu in \hin a nei chu mak ka ti khawp mai a, ka rilru te te chuan, ‘Nu fel tak a nei a ni phawt ang’ ka ti ta ringawt a.
|anpui ngai ngei nia ka hriatna chhan pawh ka hmuh hmasak ber \uma a thawmhnaw rawn hak bak thawmhnaw dang a hak ka la hmuh ngai loh vang a ni. Mahse, a hrechiang zawkten \anpui a \ul lem love an tih miau si avangin tih vak ngaihna ka hre lova, ka thinlung erawh a dam thei thlawt lo.
Duati tan Krismas Bazar
December ni 24 zingkar a ni a, ‘Chhun lamah mi an tam thei em mai, zingkar mi thawl deuh laiin ka va bazar ve teh ang’ tiin ka \hianpa ka sawm a, a lo hman loh avangin keimahin ka kal ta a. Kum dangah chuan Krismas dawn bazar hi ka tih ngai loh tawp a ni a, traffic jam nasa lutuk te, motor park na tur chan loh avanga din rengte, mipui tam lutuk tak mai bazar zimtea kan han innek nulh nulhte chu ka bazar peih lohna tling \hah an ni. Mahse, tun \um chu loh theih lova ka bazar a ngai tlat, ka chhass thar nena hlim taka Urlawk zan hman dun a, a romantic thei ang bera present pek ka duh ve miau tlat a.
Millenium Centre lamah ka kal hmasa a, eng ber nge ka lei ang tih pawh hre chuang lovin hmeichhe thawmhnaw an zawrhna tawh phawtah chuan kan tawng-pawng luh ve ngawt zel a. Pheikhawk sang pui pui ho chu a man ka’n zawt kual dan dan a, ka rin aia let hnih vel zelin a lo to a, a man an sawi apiangin ka rilruah chuan ka pawisa neih zat a lo lang nghal zel a. Lei mai tur ka hriat loh avang leh ka pawisa neih zat min ngaihtuah pui hauh lova an thil zawrhte a man an chhiar avang chuan Millenium Centre chu chhuah-sanin Bazar Pui lam chu ka pan thla ta a.
Zingkar mah ni se, mi an lo tam ngang mai a, Zion Street chhuk thlaah chuan thil lei tuma kal mek leh lei tawh inkhai bawr \euh mai te, thil lei tawh lei belh tum mek leh inhralh tam loh hlau taka awrphiar \awng \awnga lo aute chu an ri nuaih nuaih a. Chung karah chuan keipawh chu pawisa ngah ber menin ka’n meng lui ve a, miin an lo bawr laih laih tawhnaah chuan ka tel ve zel a. Lei pawh tum lem lovin SALE tih awm tawh phawtnaah chuan ka lut zel bawk a, ‘‘Eng nge i duh le?’’ tia min lo chhawn chuan, ‘‘Duh chawp tur ka zawng’’ ka ti nui \ha a, an lawm vak lo hmel chu ka hmuh hmaih bik lo, mahse, ka Duati tan chuan eng nge ka lei ang tih ka hre tlat lo a ni.
Min thleng sak leh rawh u
‘Vawkpui pawh a vah a vah chuan ek \hing a tawng nge nge’ an tih ang deuhin dawr pakhatah hian hmeichhe bag an lo zuar \euh mai a, ‘Hei hi a \hat dawn hi’ ti rilru chungin dawr nghaktunu chu ka thlantira, ka lei ta a. Muffler mawi tak tak an lo zuar tel bawk a, chu nen chuan ka pack tir thlapa, hlawhtling inti zetin leh zan lam mitthla rauh rauh chungin dawr a\ang chuan lungawi takin ka pen chhuak ta a. Dawr ka pel fel awrh tihah chuan naupang \ap deuh faih faih ri ka hria a, chhak lama dawrte pakhat bulah hian nu pakhat berh ve ang reng tak hian hmeichhe naupang, a fanu ni ngei tur hi a lo pawt kal dar dar a. Chu hmeichhe naupang chu a lehhawi \awk \awk a, a hawina lam ka’n en chuan darthlalang lang tlang thei chhung lamah hian barbie chi hrang hrang a lo inhung chhawng tuarh a. ‘Hmeichhe naupang khan lei a ngen ang a, a nuin leina a nei lo a ni ngei ang’ ka ti rilrua, ka mitthlaah Jonathana a rawn lang zui nghal a. ‘Krismas thawm-hnaw a lei ve tawh ang em le ? A pa kha rui reng mah se, a nu tal kha chuan a ngaihsak ve em ang chu maw’ tiin ka ngaihtuah reuh reuh a.
Ka thil lei khai chung chuan ka bike dahna lam panin ka chho a, chutih lai chuan ka Duati hmel reng ka mitthlaah a lang thei tawh lo, a hmaa ka phurna zawng zawng kha vawm bo daih ang maiin a reh duak a. Ka thil khai lai chuan ka rilru a la thei tawh lo. Nichin lawka hmeichhe naupang, barbie ngena \ap, a nuin a phal loh vang ni hauh lova, pawisa a neih loh vang zawka khawngaih chung em em chunga a kaihsawn tak mawlh mai chu ka rilruah a lian a. Ka bike awmna ka han thleng a, ka’n start a, tlan chhuah ka tum, mahse, ka tlanchhuak thei tlat lo. Ka bike a\angin ka chhuk lawk a, ka thil lei chu ka phawrh a, en vang vang chungin, ‘Duat, min ngaidam ang che, i tan present pek tur che ka nei ta lo’ ka ti sap a, hmanhmawh zetin ka thil leina dawr lam pan chuan ka tlan let thla leh ta hlawk hlawk a. Ka hmanhmawh luatah tlangval pakhat phei chu ka su leng dawrh a, inthiam lo viau mahila ka thinlungah thil awm kha a lianin a khatliam hneh em a, inthiam ru deuh tho siin hawi pawh ka hawi let lem lo.
Dawrah chuan mi an lo awm nuaih nuaih a ni tih pawh hre chang tawh lovin, ‘‘Ka pi, ka pi, min hrethiam teh u, hei hi khawngaih takin min thleng sak leh teh u’’ ka zuk ti lut nghal buan buan a, midang awmve te chuan mak tih hmel tak hian min lo en \hap a, mahse, ka pawisa zo tawh lo. ‘‘Engati nge? eng nge awmzia? Eng nge \ha lo awm a, lei tawh chu a thleng theih tawh hleih nem’’ an lo ti hmuk hmuk a. Mahse, thil awmziate ka sawi hnu chuan \ha takin pawisa min pe let leh a, hlim nui khi var var chungin chu dawr chu ka chhuah san ta a.
Jonathana te in lam panin
Darkar hnih hnuah chuan ka racksack chhunga naupang thawmhnaw kim biai, kamis, kekawr, pheikhawk leh jacket nen chuan Jonathana te in zawng chuan ka kal fua fua a. An in awmna lai nia min hrilh lam chu panin step chhuk deuh, zim zet mai chu muangchangin ka zawh thla a. Step tawp ka thlen chuan assam type in lian vak lo hi a lo ding a, a kawt zawl zimteah chuan naupangho infiam vel hi an lo ri laih laih a. Jonathana a awm ve ringin ka’n en kual a, a lo awm lova. Ka hmuh tak mai lohah chuan a bula in chu kawkin ‘‘Hei hi Jonathana te in a ni em?’’ tiin naupangho chu kan zawt a, ‘‘Aih ni lo, khu zawk khu’’ an tih chuan ka phu deuh zawk a. Jonathana te in tia an kawh chu a zim hle tih ka awmna a\anga han en mai pawhin a hriat nghal theih a, a lan dan mai phei chuan ar vulhna a ang hle zawkin ka hria.
Ka zuk thlir a, kawngkhar a inkalh thim deuh rap a, a reh \hiap bawk a, tumah an awm lo a ni ngei ang. An awm loh hmel ema ka hriat avangin let leh mai ka tum deuh a, naupangho hnenah chuan, ‘‘Anmahni hi an awm em?’’ tia ka’n zawh chuan min ngaihsak lo tlang khawp mai a, ka zawhna chu hreawm pawhin an lang lo. An zinga lian ber chu ka pan hnaia, ‘‘Jonathana te khu an awm em?’’ tiin hmaichhanah ka’n zawt leh ngat a, ‘‘Ka hre lo, Nu Mali chuan khi lai kawngpui sirah khan chawhmeh a zuar \hin’’ a ti a. Rang takin kawngpui lamah chuan ka tlan chho nghal vat a, kawngpui sira nuho chawhmeh zuara lo \hu tlar leh thil hralh tur buka lo buai phar phar ho chu ka han hmu nghal mai a.
Nu pakhat hnenah chuan, ‘‘Tu ber hi nge Nu Mali?’’ ka han ti ringawt a, ‘‘Eng nge ni ta ? Zing lamah khan a rawn thu ve reng a, a lu a nawm loh thu a sawi a sawi a, ‘Haw rawh, kan lo ven sak ang che’ kan tia, a haw ta a nih kha, hei hi a thutna a nia’’ tih pahin chu nu chuan Nu Mali \hutna ruak chu a kawk a, tumbu tlem leh zawng\ah mu chang tawh, a dum, khehsa tlem a lo let phang a. ‘‘Ka pi, inah a haw i tia mi?’’ ka’n ti leh a, ‘‘Aw, a fapa pawh kha a awm reng a, an haw dun ta a nih kha’’ a ti a. Lawmthu pawh sawi hman lovin hmanhmawh tak bawkin ka tlan let thla leh a, step chhukah chuan ka pen thla zawt zawt a, reiloteah Jonathana te in chu ka thleng thla thuai a.
Chu in reh deuh \hip \hiap, a bang rangva, a kawngkhar pawh rangva khar khat, ka zuk thlen chuan inchhung lama thawm a awm leh awm loh ka’n ngaihtla te te phawt a, thawm hriattur a awm hauh lo. Dim ang reng takin kawngka chu ka kik a, thawm a rawn ri deuh dat a, a reh leh nghal a. Ka kik nawn leh a, a reh vang vang a, beidawn nan tal tia kik nawn leh ka tum lai tak chuan kawngkhar inkalh inhawng ri a rawn ri rak a, zawi muangin kawngkhar chu a rawn hawng a, a inhawn zawng chuan kawngkhar chu a innawt ri riai riai a. Jonathana ngei mai chuan a rawn hawng a, min han hmu chu a beisei lo tak zet a niang, a mengphawk kher mai.
‘‘I nu te an awm em?’’ ka’n tih chuan, ‘‘Aw, awm e, lo lut rawh Sir’’ a ti a, ka lut ve nghal a. Inchhung chu a thim ang reng khawp mai a, an tukverh hman chu thingzai phek ang chi a nih avangin an khar tlat bawk si a, êng rawn lut tur a awm mang lo a ni. Pen nga pawh ka pen lut hman lo ang tihah chuan khum a lo awm nghal a, tu emaw hi a lo mu a, a khuh deuh bar bar bawk a. ‘A nu a ni ngei ang’ ka tih rilruk lai chuan ‘‘Mama, tu nge ni?’’ a rawn ti chhuak a, Jonathana chuan, ‘‘A nu, hei kan Sir a lo kal a’’ a ti a. Ka rilruah chuan, ‘Awi ka rei leh...!! Naupang rethei! I nu chuan damlo chung chungin, eitur neih loh hlauin chawhmeh a zuar a, mahse, a tlin ta ngang lova, tunah in lamah chau taka muin he in thim rik rek chhungah hian khawhar takin nangmah chauhin i awm pui chu a ni si a le! Mite zawng, hlim leh phur em emin Krismas an urlawk a, hman nawm loh hlauin an phe suau suau a, thawmhnaw nalh \ha \ha leh man to pui pui an lei laiin nang erawh i nu damlo awmpuiin, i \hiante zingah pawh infiam ve thei lovin i awm chu a ni si a..’ ka ti a, ka khawngaih em avangin ka thinlung chu a rûm deuh kâwk hial a ni.
Krismas dik tak ka hmang ve ta!
‘‘Ka pi, Sande Sikula an Sir ka nia, rawn tlawh che u hi ka tum fo a, mahse, ka hman lo em a ni. Kha i dam nange? A va zia lo em ve aw..?’’ te ka’n ti ve luam a, ‘‘Jona, ka bulah hian lo kal lawk teh’’ tih pahin ka bag chhunga ka thawmhnaw lei ho chu ka phawrh a. Ka thil phawrh lai chu Jonathana chuan mit khap lo lek hian min lo en reng a, ‘‘Lo kal teh’’ ka tih pawh chuan a dinna ngaiah a la ding ta reng a. A nu damlo inkhuh hlun pawh chu ka che velah chuan thei leh thei lo hian a rawn inbeng kang âk âk a, an chhuatlaiah chuan thawmhnaw ka leisak ho chu a sarang chawp nen ka phawrh hnawk nuai a, an nufa chuan mak tih hmel em em hian min lo thlir ngawih ngawih hian ka hria.
“Jona, hei hi i ta tur a nih hi”
‘‘Sir, ka ta tur maw...???”
“Aw ni e, i ta tur a nih hi”
“A vai hian maw...???’’
Chutiang khawpa naupang inthlahrung hmel chu ka la hmu ngai lo, a ta tur a ni tih a ring ngam lo a ni ber mai.
A ta vek tur a ni tih ka hrilh hnuah chuan a hmel chu lawmna leh hlimnain a khat tih hai rual a ni lo. A ka chuan engmah sawi chhuak lo mahse a lawmzia chu a mit meng a\ang chuan a lo lang chhuak a, a lawm em avangin a mitte chu a de ser ser thei hialin ka hria. Thawmhnaw ka dah nuaih chu a melh a, min rawn melh leh a, thawmhnaw leh ka hmel chu a melh tawn zak zak a, a hmela lawmna vawrtawp, \awngkaa sawifiah rual loha nasa lo lang chu a va mawi ngai em! A nu lam ka en a, ani pawh chuan engmah a sawi lo, a insût ri hraih a, a mit khur thuk dâk a\ang chuan tui a rawn hnâm chhuak \iam \iam a, a biangah chuan a luang thla ngiai ngiai a. A damloh avanga \ap a ni lo tih leh a natna chu a nat em avanga mittui tla a ni lo tih ka chiang kher mai. Keimah ber pawh chu ka hnuk a ulh, engmah ka sawi thei tawh lo. Nichin lawka an inchhung zim thim ruih kha, chu lawmna zâm vel chuan a rawn chhun êng raih a, kan pathum chuan thinlung hmunkhat puin hlimna vawrtawp kan tawn mek chu ngawi rengin kan sawiho a, lei vanrama chang mekah chuan kan chêng za tlang ta a ni.
Jonathana chu a thawmhnaw ka lei sak ho nen chuan ka’n thuam a, a pheikhawk hrui ka suih sak laite chuan a nu chuan aw thâm chhal hian, ‘‘Lalpa chu fakin awm rawh se, Pathian hi a va \ha tak em! Mate, nizana kan \awng\ai dun hnua ‘Pathianin min pe mai ang’ tia ka hrilh che kha i la hria em? Isua hi a fel teh e tiraw mate’’ a lo ti mial mial a. Inchhung dung chhuat-laiah chuan a pheikhawk thar nen chuan a han kal vel chhin a, nuam a ti kher mai. Tichuan, a jacket ka’n haktir leh a, a lo inhmeh em em mai lehnghal a. Tukverh ka hawng eng sauh sauh a, “Khawi maw... saw ta \ang sawn rawn kal phei leh teh...” ka ti a, a nu pawh chuan, ‘‘Mate, lo kal hnai teh, ka lo en teh ang che.... Awiii..mate i va han mawi em em! Khawi maw hnung lam...hma lam..’’ a ti mawlh mawlh a. A nu damlo na tak, peih leh peih lova rawn tho kang ar ar hmaa lungawi em ema Jona inher kual vel tluka hmuhnawm kha ka piantirh ata ka mit hian a la hmu ngai lo.
‘‘Tlangval, i chungah kan va lawm tak em, engtin nge lawmthu kan sawi ang, engtia sawi tur...’’ a tih lai chuan, ‘‘Ka pi, lawmthu sawi a ngai reng reng lo, nangni aiin ka lawm daih zawk. I fapa, Jona vangin Krismas dik tak hei ka hman ve theih phah dawn a, keimah hi ka lawm tak zet zawk a ni’’ ka ti a, sawi tur dang pawh ka hre tawh bik lo, ka rilru tak tak ka sawi a, ka thinlung takin ka lawm a ni. Hei hi Krismas dik tak hmang ve nia ka inngaih vawi khatna a ni a, a la ni ta reng bawk a ni.
Step-a ka kal chhoh laite chuan, ‘Duat, Krismas present pek tur che tunah chuan ka nei ta lo, engmah ka rawn ken lo che tih i hriat chuan i down rawih mai thei. Mahse, a chhan ka hrilh hunah che chuan min lawmpui ve ngei ang tih ka ring e, nangpawh ni la, ka tih ang hi i tih ve ngei ka ring hial a ni. He thil hotê ka tih avanga ka hlimna leh lawmna hi khawvela engthil mahin tunah tak hi chuan ka thleng phal lo. Duat, min hmangaih tiraw? Min hmangaih chuan ka hlimna i duh ngei ka ring e, i duh ang takin hlimna ka chhar asin. Tunah chuan lehkhamawia tuam chi Krismas present ni lo hlimna present tur chu ka nei a nia’ tiin ka Duati chu ka rilru ngaihtuahna hmang chuan ka be mawlh mawlh a. Zan lamah ka Duati present tur ka neih tak loh pawh chu pawi tihna reng reng ka nei tawh lo.
Step ka chhuak chho chu a tawp nan tiin Jona te in chu ka zuk thlir leh a, ka thinlung chu hlimna in a khat a, mipa, intipa ve tak ni mah ila, lawm avangin ka biangah chuan mittui a rawn luang thla ngiai ngiai a. In chhawng ropui leh mawi tak tak ding khir khep khup te aiin chu in chhetê, ar in ang tak, thim deuh rek ruk chu a hmuhnawm fal nalh hian ka hria a, in dang zawng zawng aiin chu in chu ka thinlungah a ropui ber kumkhua tawh ang.
Kum tina kan lo tih \hin dan angin Sande Sikul Primary Zirtirtute chu December thla chawlhni hmasa ber a lo thlen chuan Trainning room-ah kan \hu khawp \hap a, kan naupangte zinga rethei zual deuh, \anpui ngai leh Krismas thawmhnaw lei sak ngai an awm em tih kan sawi khawm a. Khawlbawm kan siamah chuan kum tir a\angin kan neih ang tawk tawk, tam lua leh tlem lua awm lovin kan thlak zel a, December a lo thlen meuh chuan a lo tling khawm hnem ve hman viau \hin a, tichuan, kan naupang zinga rethei zual deuhte chu Krismas thawmhnaw kan lei sak \hin a ni.
Chutia kan \hutkhawm takah chuan zirtirtu panga vel chu rawn dingin an pawla naupang \anpui ngai nia an hriatte chu an rawn sawi chhuak sap sap hlawm a, keipawh chuan ka rilrua riak reng, ka pawla naupang pakhat ‘Jonathana’ chu ka sawi chhuak ve a. Mahse, ka hnunga \hu chu a rawn ding chhuak a, ‘‘Jona-thana hi kan kawmthlang lama awm a ni a, a pa hi ka hrechiang ve ang reng a, rui reng mai mi, zing kar atanga rui thin a ni a. Kei chuan \anpui ngaiah ka ruat ve lo, a pa pawhin zu inna tur a nei reng thei alawm’’ a rawn tih chuan ka phu deuh zawk a. Kan zavaiin kan ngawi \hap a, han chhan dan tur ka hriat mai loh avangin kei pawh chuan ngawih ka chuh tlang zui ta a ni. Chutia ka hnunga miin intihrechiang taka a rawn sawi takah chuan engmah ka sawi zui ngam ta lova, midang pawh chuan an pawm tlang a ni ngei ang, an reh \hapa, \anpui loh chu kan ti tlang ta a ni. Ka mitthlaah chuan Jonathana hmel a lo lang nghal a, zu heh tak mai, zing zing a\anga rui \hin, pa a nei chu vanduai ka ti em em a, ka lainat ru kher mai.
Amah Jonathana
Jonathana te chhung-kua hi thingtlang atanga lo pem an ni a, kum laihawl vel a\anga Sande Sikul rawn kai chauh a nih avangin an chhungkua chin-chang ka hre tam lo hle a, an in awmna ka hre lova, a nu leh pain eng hna nge an thawh \hin pawh ka hre lo. Kum tirah kan naupangte theuh an ina tlawh chhuah ka neih lai khan a lo la kal ve hman si lova, an inah ka tlawhchhuak ve ta lo a ni. ‘Tlawh ila a \ha ang’ ti reng chung siin ka hman lo zel si nen, tlawh chhuah ka tum chhungin kum tawp kan thleng ta der a.
Sande Sikul a rawn kal hmasak ber ni kha ka la hre reng, kan leader hian a rawn kai hnak hnak a, chumi \um chuan coat suit var, hlui uk deuh khak tawh hi a rawn ha a, pheikhawk buang, a chhuat chang hmel tak, a chhip a hlui tawh avanga khawk nual tawh hi a rawn bun bawk a. Mak tak maiin naupang thar e ti lo chuan a lo thlen ni a\angin mikhual naupang tih a hriat loh reng reng, naupang dang zingah chuan a tlei ve nghal em em mai a, zawhna chhan hmasak loh hlau em emin a ding vat vat nghal bawk a. A tirah chuan, ‘He naupangte chu a zakthei lo hmel reuh hle mai a’ ka ti rilru nghe nghe a ni. Amaherawh chu, kan inhrawn rei zel a, chutiang mi a lo ni hauh lo, a nihna tak zawk chu, naupang harhvang tak, engkim hriat tum leh tih chhin chak zek zek mi, ‘zaktheilo’ ni lovin a huna ‘zaklothei’ a lo ni reng zawk a.
Kum tawp lama naupang lian deuhho Bible chhiar leh \awng\aina kan neihtir \hin pawh, ‘‘Sir, ka ti ve thei ang em?’’ a ti a, kan han tih tir ve a, \ha takin a rawn ti ve mai a. |um khat pawh, ‘‘I solo thei ang em?’’ ka tia, a bu nghat a, chawlhni lehah chuan a rawn zai ve leh mai bawk a. Chutiang khawpa naupang tih nuam, fel em em mai, Sande Sikul a rawn kal china \hulh ngai miah lo, chawhnu naupang inkhawm kal pawh phur em em \hin chuan, pa, zing kar atanga zu in \hin a nei chu mak ka ti khawp mai a, ka rilru te te chuan, ‘Nu fel tak a nei a ni phawt ang’ ka ti ta ringawt a.
|anpui ngai ngei nia ka hriatna chhan pawh ka hmuh hmasak ber \uma a thawmhnaw rawn hak bak thawmhnaw dang a hak ka la hmuh ngai loh vang a ni. Mahse, a hrechiang zawkten \anpui a \ul lem love an tih miau si avangin tih vak ngaihna ka hre lova, ka thinlung erawh a dam thei thlawt lo.
Duati tan Krismas Bazar
December ni 24 zingkar a ni a, ‘Chhun lamah mi an tam thei em mai, zingkar mi thawl deuh laiin ka va bazar ve teh ang’ tiin ka \hianpa ka sawm a, a lo hman loh avangin keimahin ka kal ta a. Kum dangah chuan Krismas dawn bazar hi ka tih ngai loh tawp a ni a, traffic jam nasa lutuk te, motor park na tur chan loh avanga din rengte, mipui tam lutuk tak mai bazar zimtea kan han innek nulh nulhte chu ka bazar peih lohna tling \hah an ni. Mahse, tun \um chu loh theih lova ka bazar a ngai tlat, ka chhass thar nena hlim taka Urlawk zan hman dun a, a romantic thei ang bera present pek ka duh ve miau tlat a.
Millenium Centre lamah ka kal hmasa a, eng ber nge ka lei ang tih pawh hre chuang lovin hmeichhe thawmhnaw an zawrhna tawh phawtah chuan kan tawng-pawng luh ve ngawt zel a. Pheikhawk sang pui pui ho chu a man ka’n zawt kual dan dan a, ka rin aia let hnih vel zelin a lo to a, a man an sawi apiangin ka rilruah chuan ka pawisa neih zat a lo lang nghal zel a. Lei mai tur ka hriat loh avang leh ka pawisa neih zat min ngaihtuah pui hauh lova an thil zawrhte a man an chhiar avang chuan Millenium Centre chu chhuah-sanin Bazar Pui lam chu ka pan thla ta a.
Zingkar mah ni se, mi an lo tam ngang mai a, Zion Street chhuk thlaah chuan thil lei tuma kal mek leh lei tawh inkhai bawr \euh mai te, thil lei tawh lei belh tum mek leh inhralh tam loh hlau taka awrphiar \awng \awnga lo aute chu an ri nuaih nuaih a. Chung karah chuan keipawh chu pawisa ngah ber menin ka’n meng lui ve a, miin an lo bawr laih laih tawhnaah chuan ka tel ve zel a. Lei pawh tum lem lovin SALE tih awm tawh phawtnaah chuan ka lut zel bawk a, ‘‘Eng nge i duh le?’’ tia min lo chhawn chuan, ‘‘Duh chawp tur ka zawng’’ ka ti nui \ha a, an lawm vak lo hmel chu ka hmuh hmaih bik lo, mahse, ka Duati tan chuan eng nge ka lei ang tih ka hre tlat lo a ni.
Min thleng sak leh rawh u
‘Vawkpui pawh a vah a vah chuan ek \hing a tawng nge nge’ an tih ang deuhin dawr pakhatah hian hmeichhe bag an lo zuar \euh mai a, ‘Hei hi a \hat dawn hi’ ti rilru chungin dawr nghaktunu chu ka thlantira, ka lei ta a. Muffler mawi tak tak an lo zuar tel bawk a, chu nen chuan ka pack tir thlapa, hlawhtling inti zetin leh zan lam mitthla rauh rauh chungin dawr a\ang chuan lungawi takin ka pen chhuak ta a. Dawr ka pel fel awrh tihah chuan naupang \ap deuh faih faih ri ka hria a, chhak lama dawrte pakhat bulah hian nu pakhat berh ve ang reng tak hian hmeichhe naupang, a fanu ni ngei tur hi a lo pawt kal dar dar a. Chu hmeichhe naupang chu a lehhawi \awk \awk a, a hawina lam ka’n en chuan darthlalang lang tlang thei chhung lamah hian barbie chi hrang hrang a lo inhung chhawng tuarh a. ‘Hmeichhe naupang khan lei a ngen ang a, a nuin leina a nei lo a ni ngei ang’ ka ti rilrua, ka mitthlaah Jonathana a rawn lang zui nghal a. ‘Krismas thawm-hnaw a lei ve tawh ang em le ? A pa kha rui reng mah se, a nu tal kha chuan a ngaihsak ve em ang chu maw’ tiin ka ngaihtuah reuh reuh a.
Ka thil lei khai chung chuan ka bike dahna lam panin ka chho a, chutih lai chuan ka Duati hmel reng ka mitthlaah a lang thei tawh lo, a hmaa ka phurna zawng zawng kha vawm bo daih ang maiin a reh duak a. Ka thil khai lai chuan ka rilru a la thei tawh lo. Nichin lawka hmeichhe naupang, barbie ngena \ap, a nuin a phal loh vang ni hauh lova, pawisa a neih loh vang zawka khawngaih chung em em chunga a kaihsawn tak mawlh mai chu ka rilruah a lian a. Ka bike awmna ka han thleng a, ka’n start a, tlan chhuah ka tum, mahse, ka tlanchhuak thei tlat lo. Ka bike a\angin ka chhuk lawk a, ka thil lei chu ka phawrh a, en vang vang chungin, ‘Duat, min ngaidam ang che, i tan present pek tur che ka nei ta lo’ ka ti sap a, hmanhmawh zetin ka thil leina dawr lam pan chuan ka tlan let thla leh ta hlawk hlawk a. Ka hmanhmawh luatah tlangval pakhat phei chu ka su leng dawrh a, inthiam lo viau mahila ka thinlungah thil awm kha a lianin a khatliam hneh em a, inthiam ru deuh tho siin hawi pawh ka hawi let lem lo.
Dawrah chuan mi an lo awm nuaih nuaih a ni tih pawh hre chang tawh lovin, ‘‘Ka pi, ka pi, min hrethiam teh u, hei hi khawngaih takin min thleng sak leh teh u’’ ka zuk ti lut nghal buan buan a, midang awmve te chuan mak tih hmel tak hian min lo en \hap a, mahse, ka pawisa zo tawh lo. ‘‘Engati nge? eng nge awmzia? Eng nge \ha lo awm a, lei tawh chu a thleng theih tawh hleih nem’’ an lo ti hmuk hmuk a. Mahse, thil awmziate ka sawi hnu chuan \ha takin pawisa min pe let leh a, hlim nui khi var var chungin chu dawr chu ka chhuah san ta a.
Jonathana te in lam panin
Darkar hnih hnuah chuan ka racksack chhunga naupang thawmhnaw kim biai, kamis, kekawr, pheikhawk leh jacket nen chuan Jonathana te in zawng chuan ka kal fua fua a. An in awmna lai nia min hrilh lam chu panin step chhuk deuh, zim zet mai chu muangchangin ka zawh thla a. Step tawp ka thlen chuan assam type in lian vak lo hi a lo ding a, a kawt zawl zimteah chuan naupangho infiam vel hi an lo ri laih laih a. Jonathana a awm ve ringin ka’n en kual a, a lo awm lova. Ka hmuh tak mai lohah chuan a bula in chu kawkin ‘‘Hei hi Jonathana te in a ni em?’’ tiin naupangho chu kan zawt a, ‘‘Aih ni lo, khu zawk khu’’ an tih chuan ka phu deuh zawk a. Jonathana te in tia an kawh chu a zim hle tih ka awmna a\anga han en mai pawhin a hriat nghal theih a, a lan dan mai phei chuan ar vulhna a ang hle zawkin ka hria.
Ka zuk thlir a, kawngkhar a inkalh thim deuh rap a, a reh \hiap bawk a, tumah an awm lo a ni ngei ang. An awm loh hmel ema ka hriat avangin let leh mai ka tum deuh a, naupangho hnenah chuan, ‘‘Anmahni hi an awm em?’’ tia ka’n zawh chuan min ngaihsak lo tlang khawp mai a, ka zawhna chu hreawm pawhin an lang lo. An zinga lian ber chu ka pan hnaia, ‘‘Jonathana te khu an awm em?’’ tiin hmaichhanah ka’n zawt leh ngat a, ‘‘Ka hre lo, Nu Mali chuan khi lai kawngpui sirah khan chawhmeh a zuar \hin’’ a ti a. Rang takin kawngpui lamah chuan ka tlan chho nghal vat a, kawngpui sira nuho chawhmeh zuara lo \hu tlar leh thil hralh tur buka lo buai phar phar ho chu ka han hmu nghal mai a.
Nu pakhat hnenah chuan, ‘‘Tu ber hi nge Nu Mali?’’ ka han ti ringawt a, ‘‘Eng nge ni ta ? Zing lamah khan a rawn thu ve reng a, a lu a nawm loh thu a sawi a sawi a, ‘Haw rawh, kan lo ven sak ang che’ kan tia, a haw ta a nih kha, hei hi a thutna a nia’’ tih pahin chu nu chuan Nu Mali \hutna ruak chu a kawk a, tumbu tlem leh zawng\ah mu chang tawh, a dum, khehsa tlem a lo let phang a. ‘‘Ka pi, inah a haw i tia mi?’’ ka’n ti leh a, ‘‘Aw, a fapa pawh kha a awm reng a, an haw dun ta a nih kha’’ a ti a. Lawmthu pawh sawi hman lovin hmanhmawh tak bawkin ka tlan let thla leh a, step chhukah chuan ka pen thla zawt zawt a, reiloteah Jonathana te in chu ka thleng thla thuai a.
Chu in reh deuh \hip \hiap, a bang rangva, a kawngkhar pawh rangva khar khat, ka zuk thlen chuan inchhung lama thawm a awm leh awm loh ka’n ngaihtla te te phawt a, thawm hriattur a awm hauh lo. Dim ang reng takin kawngka chu ka kik a, thawm a rawn ri deuh dat a, a reh leh nghal a. Ka kik nawn leh a, a reh vang vang a, beidawn nan tal tia kik nawn leh ka tum lai tak chuan kawngkhar inkalh inhawng ri a rawn ri rak a, zawi muangin kawngkhar chu a rawn hawng a, a inhawn zawng chuan kawngkhar chu a innawt ri riai riai a. Jonathana ngei mai chuan a rawn hawng a, min han hmu chu a beisei lo tak zet a niang, a mengphawk kher mai.
‘‘I nu te an awm em?’’ ka’n tih chuan, ‘‘Aw, awm e, lo lut rawh Sir’’ a ti a, ka lut ve nghal a. Inchhung chu a thim ang reng khawp mai a, an tukverh hman chu thingzai phek ang chi a nih avangin an khar tlat bawk si a, êng rawn lut tur a awm mang lo a ni. Pen nga pawh ka pen lut hman lo ang tihah chuan khum a lo awm nghal a, tu emaw hi a lo mu a, a khuh deuh bar bar bawk a. ‘A nu a ni ngei ang’ ka tih rilruk lai chuan ‘‘Mama, tu nge ni?’’ a rawn ti chhuak a, Jonathana chuan, ‘‘A nu, hei kan Sir a lo kal a’’ a ti a. Ka rilruah chuan, ‘Awi ka rei leh...!! Naupang rethei! I nu chuan damlo chung chungin, eitur neih loh hlauin chawhmeh a zuar a, mahse, a tlin ta ngang lova, tunah in lamah chau taka muin he in thim rik rek chhungah hian khawhar takin nangmah chauhin i awm pui chu a ni si a le! Mite zawng, hlim leh phur em emin Krismas an urlawk a, hman nawm loh hlauin an phe suau suau a, thawmhnaw nalh \ha \ha leh man to pui pui an lei laiin nang erawh i nu damlo awmpuiin, i \hiante zingah pawh infiam ve thei lovin i awm chu a ni si a..’ ka ti a, ka khawngaih em avangin ka thinlung chu a rûm deuh kâwk hial a ni.
Krismas dik tak ka hmang ve ta!
‘‘Ka pi, Sande Sikula an Sir ka nia, rawn tlawh che u hi ka tum fo a, mahse, ka hman lo em a ni. Kha i dam nange? A va zia lo em ve aw..?’’ te ka’n ti ve luam a, ‘‘Jona, ka bulah hian lo kal lawk teh’’ tih pahin ka bag chhunga ka thawmhnaw lei ho chu ka phawrh a. Ka thil phawrh lai chu Jonathana chuan mit khap lo lek hian min lo en reng a, ‘‘Lo kal teh’’ ka tih pawh chuan a dinna ngaiah a la ding ta reng a. A nu damlo inkhuh hlun pawh chu ka che velah chuan thei leh thei lo hian a rawn inbeng kang âk âk a, an chhuatlaiah chuan thawmhnaw ka leisak ho chu a sarang chawp nen ka phawrh hnawk nuai a, an nufa chuan mak tih hmel em em hian min lo thlir ngawih ngawih hian ka hria.
“Jona, hei hi i ta tur a nih hi”
‘‘Sir, ka ta tur maw...???”
“Aw ni e, i ta tur a nih hi”
“A vai hian maw...???’’
Chutiang khawpa naupang inthlahrung hmel chu ka la hmu ngai lo, a ta tur a ni tih a ring ngam lo a ni ber mai.
A ta vek tur a ni tih ka hrilh hnuah chuan a hmel chu lawmna leh hlimnain a khat tih hai rual a ni lo. A ka chuan engmah sawi chhuak lo mahse a lawmzia chu a mit meng a\ang chuan a lo lang chhuak a, a lawm em avangin a mitte chu a de ser ser thei hialin ka hria. Thawmhnaw ka dah nuaih chu a melh a, min rawn melh leh a, thawmhnaw leh ka hmel chu a melh tawn zak zak a, a hmela lawmna vawrtawp, \awngkaa sawifiah rual loha nasa lo lang chu a va mawi ngai em! A nu lam ka en a, ani pawh chuan engmah a sawi lo, a insût ri hraih a, a mit khur thuk dâk a\ang chuan tui a rawn hnâm chhuak \iam \iam a, a biangah chuan a luang thla ngiai ngiai a. A damloh avanga \ap a ni lo tih leh a natna chu a nat em avanga mittui tla a ni lo tih ka chiang kher mai. Keimah ber pawh chu ka hnuk a ulh, engmah ka sawi thei tawh lo. Nichin lawka an inchhung zim thim ruih kha, chu lawmna zâm vel chuan a rawn chhun êng raih a, kan pathum chuan thinlung hmunkhat puin hlimna vawrtawp kan tawn mek chu ngawi rengin kan sawiho a, lei vanrama chang mekah chuan kan chêng za tlang ta a ni.
Jonathana chu a thawmhnaw ka lei sak ho nen chuan ka’n thuam a, a pheikhawk hrui ka suih sak laite chuan a nu chuan aw thâm chhal hian, ‘‘Lalpa chu fakin awm rawh se, Pathian hi a va \ha tak em! Mate, nizana kan \awng\ai dun hnua ‘Pathianin min pe mai ang’ tia ka hrilh che kha i la hria em? Isua hi a fel teh e tiraw mate’’ a lo ti mial mial a. Inchhung dung chhuat-laiah chuan a pheikhawk thar nen chuan a han kal vel chhin a, nuam a ti kher mai. Tichuan, a jacket ka’n haktir leh a, a lo inhmeh em em mai lehnghal a. Tukverh ka hawng eng sauh sauh a, “Khawi maw... saw ta \ang sawn rawn kal phei leh teh...” ka ti a, a nu pawh chuan, ‘‘Mate, lo kal hnai teh, ka lo en teh ang che.... Awiii..mate i va han mawi em em! Khawi maw hnung lam...hma lam..’’ a ti mawlh mawlh a. A nu damlo na tak, peih leh peih lova rawn tho kang ar ar hmaa lungawi em ema Jona inher kual vel tluka hmuhnawm kha ka piantirh ata ka mit hian a la hmu ngai lo.
‘‘Tlangval, i chungah kan va lawm tak em, engtin nge lawmthu kan sawi ang, engtia sawi tur...’’ a tih lai chuan, ‘‘Ka pi, lawmthu sawi a ngai reng reng lo, nangni aiin ka lawm daih zawk. I fapa, Jona vangin Krismas dik tak hei ka hman ve theih phah dawn a, keimah hi ka lawm tak zet zawk a ni’’ ka ti a, sawi tur dang pawh ka hre tawh bik lo, ka rilru tak tak ka sawi a, ka thinlung takin ka lawm a ni. Hei hi Krismas dik tak hmang ve nia ka inngaih vawi khatna a ni a, a la ni ta reng bawk a ni.
Step-a ka kal chhoh laite chuan, ‘Duat, Krismas present pek tur che tunah chuan ka nei ta lo, engmah ka rawn ken lo che tih i hriat chuan i down rawih mai thei. Mahse, a chhan ka hrilh hunah che chuan min lawmpui ve ngei ang tih ka ring e, nangpawh ni la, ka tih ang hi i tih ve ngei ka ring hial a ni. He thil hotê ka tih avanga ka hlimna leh lawmna hi khawvela engthil mahin tunah tak hi chuan ka thleng phal lo. Duat, min hmangaih tiraw? Min hmangaih chuan ka hlimna i duh ngei ka ring e, i duh ang takin hlimna ka chhar asin. Tunah chuan lehkhamawia tuam chi Krismas present ni lo hlimna present tur chu ka nei a nia’ tiin ka Duati chu ka rilru ngaihtuahna hmang chuan ka be mawlh mawlh a. Zan lamah ka Duati present tur ka neih tak loh pawh chu pawi tihna reng reng ka nei tawh lo.
Step ka chhuak chho chu a tawp nan tiin Jona te in chu ka zuk thlir leh a, ka thinlung chu hlimna in a khat a, mipa, intipa ve tak ni mah ila, lawm avangin ka biangah chuan mittui a rawn luang thla ngiai ngiai a. In chhawng ropui leh mawi tak tak ding khir khep khup te aiin chu in chhetê, ar in ang tak, thim deuh rek ruk chu a hmuhnawm fal nalh hian ka hria a, in dang zawng zawng aiin chu in chu ka thinlungah a ropui ber kumkhua tawh ang.
No comments:
Post a Comment